តើអ្នកធ្លាប់មានអារម្មណ៍ស្រឡាញ់នណាម្នាក់ ដោយគ្រាន់តែបានជួប ឬនិយាយផ្តោះផ្តង់ជាមួយគេមួយលើក ជាពីលើកដែរឬទេ? អ្នកពិតជាឆ្ងល់ថា ហេតុអ្វីបានជាមានអារម្មណ៍បែបនេះចំពោះតែបុគ្គលម្នាក់នោះខុស ប្លែកពីអ្នកដ៏ទៃ? អារម្មណ៍ទាំងនេះគឺជាសញ្ញាដែលបញ្ជាក់ថា អ្នកកំពុងចាប់ផ្ដើមស្រឡាញ់មនុស្សម្នាក់នោះដោយមិនដឹងខ្លួនហើយ ឬក៏អាចហៅម្យ៉ាងទៀតថាលង់ស្នេហ៍នោះឯង។ មានមូលហេតុជាច្រើនដែលជំរុញចិត្ដអ្នកឲ្យលង់ស្នេហ៍ជាមួយនឹង នណាម្នាក់ដោយមិនបានដឹងខ្លួន។
រូបសម្រស់ៈ នេះគឺជាចំណុចដំបូងបំផុតដែលអាចទាក់ទាញអារម្មណ៍របស់អ្នកបាន។ មានអ្នកខ្លះបានលង់ស្រឡាញ់គេ ចាប់តាំងតែពីបានជួបគ្នាលើកដំបូងមកម្លេះ ហើយអ្នកខ្លះទៀតគឺលង់ស្រឡាញ់គេ ដោយសារតែគេមានរូបរាងស្រដៀង ទៅនឹងមនុស្ស ឬនិមិត្ដរូបជាទីស្រលាញ់ដែលធ្លាប់ផ្ដល់ភាពកក់ក្ដៅ និងភាពសប្បាយរីករាយដល់ខ្លួននៅក្នុងគ្រាអតីតកាលជាដើម។
ក្លិនខ្លួនៈ ក្លិនក្រអូបនៃទឹកអប់ និងសំភារៈផ្សេងៗទៀត គឺសុទ្ធតែជាកត្ដាជំរុញបន្ថែម នូវទំនាក់ទំនងរបស់អ្នកឲ្យកាន់តែមានភាពប្រសើរ តែប្រសិនបើក្លិនខ្លួនមិនល្អវិញនោះ អាចជាកត្តាដែលប៉ះពាល់ដល់ភាពទាក់ទាញរបស់អ្នកទៅវិញ។
ពាក្យសំដីៈ ការចេះប្រើពាក្យសំដីផ្អែមល្ហែម និងផ្តល់តម្លៃដល់អ្នកទៀតនោះ ជឿជាក់ថាមិនយូរមិនឆាប់អ្នកនឹងមានចិត្តទោរទន់ទៅរកករពុំខាន ឡើយ មិនចំពោះតែបុគ្គលប្រភេទណានោះទេគឺចូលចិត្តអ្នកដែលមានសំដីទន់ ភ្លន់បែបនេះណាស់។
ការយកចិត្តទុកដាក់ៈ ការយកចិត្ដទុកដាក់របស់គេចំពោះអ្នកៈ ឬសកម្មភាពផ្សេងៗទៀតដែលគេបានធ្វើចំពោះអ្នក ឬដើម្បីអ្នក គឺសុទ្ធតែអាចទាក់ទាញការចាប់អារម្មណ៍របស់អ្នកបន្ដិចម្ដងៗ រហូតធ្វើឲ្យអ្នកធ្លាក់ក្នុងអន្លង់ស្នេហ៍ជាមួយគេ៕
មតិយោបល់