​ថ្មីៗ​នេះ​មាន​ការ​បែកធ្លាយ​ព័ត៌មាន​មួយ​ដែល​បង្ហាញ​ថា​ក្រុមហ៊ុន Samsung ត្រូវបាន​ទទួល​អាជ្ញាប័ណ្ណ​ក្នុង​ការប្រកាស​បើក​លក់ Samsung Galaxy Gear បើតាម​សម្តី​អ្នក​រចនា​ម៉ូត​នៅ T3 ។ ផលិតផល​មួយ​នេះ​ត្រូវបាន​រចនា​ឡើង​ប​ប្រកប​ទៅ​ដោយ​ភាព​កែឆ្នៃ​ខ្ពស់បំផុត ដែល​អាច​និយាយបាន​ថា​មានតែ​មួយ​គ្មាន​ពីរ​ឡើយ​។ នៅក្នុង​សន្និសីទ IFA គឺ​បាន​បញ្ជាក់ថា ផលិតផល​នេះ​ត្រូវបាន​គេ​រំពឹង​ថា​ក្រុមហ៊ុន Samsung នឹង​បើក​ដំណើរការ​នៅ​ខែ​កញ្ញា ឆ្នាំ 2013 ខាងមុខនេះ ហើយ​វា​ត្រូវបាន​រក្សា​សិទ្ធិ​គ្រប់យ៉ាង​ក្នុងកា​រចនា​ម៉ូដ គឺ​ដូច​ទៅ​នឹង​ភាព​ពិត​ជាក់ស្តែង​ដែល​បានបង្ហាញ​នេះ​។​

​អេក្រង់​របស់ Samsung នេះ​គឺ​មាន​ភាព​ឆ្លាត​វៃ “​អាច​ធ្វើ​ការបត់បែន​បាន​” ខណៈ​ដែល​អេក្រង់​នាឡិកា​មាន​ទំហំ 3.5 អ៊ីង ហើយ​បង្ហាញ​បាន​ទំហំ 2 អ៊ីង​។ ឧបករណ៍​នេះ​ប្រើ​កំណែ​របស់​ប្រព័ន្ធ​ប្រតិបត្តិការ Android 4.3 ជា​ប្រព័ន្ធ​ប្រតិបត្តិការ​ដ៏​ពិសេស​ក្នុង​ការតភ្ជាប់ NFC ហើយ​មាន GPS, Bluetooth 3.0 និង​លក្ខណៈពិសេស​របស់​សម្លេង​គឺ S Voice​។ វា​ពិតជា​អស្ចារ្យ​ណាស់​ដែល​អាច​ប្រើ​បាន​កម្មវិធី Android បាន ព្រមទាំង​ថ្ម​អាច​ប្រើ​បាន​រហូត​ដល់​ទៅ 4 ថ្ងៃ​សម្រាប់​ផលិតផល​ដ៏​គួរឱ្យ​ទាក់ទាញ​មួយ​នេះ​។​

​គោលបំណង់​ក្នុងការ​រចនា micro USB នេះ គឺ​ដើម្បី​ត​ភ្ជាប់​ឧបករណ៍​សម្រាប់​ដំឡើង​កម្មវិធី ប្រព័ន្ធ​ប្រតិបត្តិការ និង​ការ Updates កម្មវិធី​ផ្សេងៗ​ជាច្រើន​ទៀត​។ ប្រសិនបើ​ការ​រចនា​នេះ​បាន​ក្លាយជា​ផលិតផល​ពិតប្រាកដ វា​នឹង​ក្លាយទៅជា​បច្ចេកវិទ្យា​មួយ​ដ៏​មាន​សារៈសំខាន់​សម្រាប់​ឆ្នាំ​នេះ​៕
https://i1272.photobucket.com/albums/y389/domneng/Decore/Decore079/SamsungGalaxyGear1_zps9d98dba9.jpg
https://i1272.photobucket.com/albums/y389/domneng/Decore/Decore079/SamsungGalaxyGear2_zpsa6db7c24.jpg

ទស្សនាវីដេអូ​ឃ្លិប​ដូច​ខាង​ក្រោមនេះ​៖