ប្រទេសសឹង្ហបុរីនឹងធ្វើការសាងសង់អាកាសយាន្តដ្ឋានថ្មីមួយ ដែលធំជាងអាកាសយាន្តដ្ឋាន Changi ដល់ទៅ២ដង នេះយោងតាមសម្ដីរបស់នាយករដ្ឋមន្ត្រីសឹង្ហបុរី លោក លី សៀនលួង បានឲ្យដឹងកាលពីថ្មីៗនេះ។
លោកនាយករដ្ឋមន្ត្រីបានប្រកាសថា សំណងនៃអាកាសយាន្តដ្ឋានថ្មីនឹងត្រូវសាងសង់នៅក្នុងពេលឆាប់ៗនេះ ហើយវានឹងត្រូវបញ្ចប់នៅក្នុងរយៈពេល ១២ ឬ១៥ឆ្នាំទៀត ដែលនេះជាគោលនយោបាយថ្មីរបស់លោក។
ទឹកប្រាក់ដែលត្រូវចំណាយក្នុងការសាងសង់ មិនត្រូវបានបញ្ជាក់នោះទេ ប៉ុន្តែបើតាមសម្ដីរបស់លោក លី បានឲ្យដឹងថា នៅក្នុងអាកាសយាន្តដ្ឋានថ្មីនឹងមានផ្លូវយន្តហោះសម្រាប់ចុះ និងឡើងចំនួន ៣ធំ។
លោក លី ក៏បានបន្ថែមទៀតថា លោកចង់ឲ្យអាកាសយាន្តដ្ឋានមួយនេះ ក្លាយជាទៅជាគូប្រជេងនឹងអាកាសយាន្តដ្ឋានអន្តរជាតិធំៗនៅក្នុងតំបន់អាស៊ីអាគ្នេយ៍។
គួរបញ្ជាក់ផងដែរថា យោងតាមរបាយការណ៍ពីអាកាសយន្តដ្ឋានមួយនេះ បានបញ្ជាក់ថា កាលពីដើមឆ្នាំ ២០១៣ មានភ្ញៀវចំនួន ៦.៥០០នាក់ចេញចូលជារៀងរាល់សប្ដាហ៍ ហើយមានជើងយន្តហោះចំនួន ១១០ខ្សែ បានហោះហើដោយភ្ជាប់ពីសឹង្ហបុរីទៅកាន់ទីក្រុងចំនួន ២៤០ ក្នុងចំណោម ៦០ប្រទេស៕
មតិយោបល់