ប្រសិនបើលោកអ្នកចង់ញ៉ាំអាហារនៅក្នុងភោជ្ជនីយដ្ឋានជាលក្ខណៈស្ងប់ស្ងាត់ មានតែពីរនាក់គូស្នេហ៍ នោះលោកអ្នកអាចទៅកាន់ភោជ្ជនីយដ្ឋានមួយនៅក្នុងប្រទេសអ៊ីតាលី។
Solo Per Due ជាភោជ្ជនីយដ្ឋានមួយដែលតូចជាងគេបំផុតនៅក្នុងពិភពលោក ដោយនៅក្នុងភោជ្ជនីយដ្ឋាននេះ មានតែតុមួយ និងកៅអ៊ីចំនួន ២ប៉ុណ្ណោះ ពោលគឺសម្រាប់មនុស្ស២នាក់ ដែលមានទីតាំងនៅក្នុងតំបន់ Vacon ប្រទេសអ៊ីតាលី។
Solo Per Due ជាភាសាអ៊ីតាលី ដែលប្រែជាខ្មែរមានន័យថា “សម្រាប់ពីរនាក់”។ ភោជ្ជនីយដ្ឋានមួយនេះ ទទួលភ្ញៀវម្ដងត្រឹមតែពីរនាក់ប៉ុណ្ណោះ ហើយបើតាមការឲ្យដឹងពីម្ចាស់ភោជ្ជនីយដ្ឋាន បានបញ្ជាក់ថា នៅទីនេះតែងតែមានភ្ញៀវទេសចរណ៍ជាតិ និងអន្តរជាតិជាច្រើនមកពីជុំវិញពិភពលោកបានមកចូលញ៉ាំអាហារនៅទីនេះ ប៉ុន្តែអនុញ្ញាតឲ្យចូលញ៉ាំអាហារបានលុះត្រាតែអ្នកទាំងពីរនោះជាគូស្នេហ៍។
លើសពីនេះ ភ្ញៀវដែលចង់ចូលញ៉ាំអាហារនៅទីនេះ មិនចាំបាញ់រង់ចាំ នោះទេគឺគ្រាន់តែកក់ទុកជាមុននោះពួកគេនឹងទទួលបានវេលាដ៏ផ្អែមល្អែម ជាមួយនឹងគូស្នេហ៍ ហើយក៏សូមបញ្ជាក់ផងដែរថា ក្នុងម្នាក់មានតម្លៃ ៣៣៥ដុល្លារអាមេរិក ដោយមិនគិតបញ្ចូលស្រា ឬភេសជ្ជបន្ថែម៕
មតិយោបល់