ទីក្រុង Berlin ( 25/08/13 ) : យោងតាមរបាយការណ៍របស់ German Weekly កាលពីថ្ងៃសៅរ៍បាននិយាយបកស្រាយពីអាថ៍កំបាំងដែលអាមេរិកបានប្រើប្រាស់ទីភា្នក់ងារសម្ងាត់របស់ខ្លួនក្នុងការលួចថតវិដេអូនៃការិយាល័យកណ្តាលរបស់យូអិនដែលមានទីតាំងធំនៅទីក្រុងញូវយ៉ក។
ការបកស្រាយនេះដោយយោងទៅតាមឯកសារដែលទទួលបានពីលោក Snowden ដែលបានរកឃើញថាទីភ្នាក់ងារសន្តិសុខជាតិអាមេរិកបានប្រើប្រាស់សមត្ថភាពរបស់ខ្លួនក្នុងទាញយកវិដេអូនែកិច្ចប្រជុំមួយចំនួនដែលយូអិនបានធ្វើ។តាមឯកសារដែលទទួលបានពី Snowden បានឲ្យដឹងថាការអភិវឌ្ឍនៃសមត្ថភាពក្នុងលួចយកវិដេអូត្រឹមរយៈពេល 3 សប្តាហ៍អាចទទួលបាន 12 ទៅ 458 វិដេអូ។
ដោយបន្ថែមទៀតថាអាមេរិកចាប់ផ្តើមធ្វើការលួចយកវិដេអូសម្ងាត់នេះចាប់តាំងយូអិនបានផ្លាស់ប្តូរទីតាំងនៅកាន់ការិយាល័យថ្មីខ្លួនដែលស្ថិតនៅទីក្រុងញូវយ៉កកាលពីខែកញ្ញាឆ្នាំមុនដែលរាល់ដំណើរការនិងប្រព័ន្ធបច្ចេកវិទ្យាព័ត៌មានដែលយូអិនបានធ្វើឡើងគឺដូចទៅនឹងអ្វីដែល Snowden បានយកមកពីទីភ្នាក់ងារសន្តិសុខជាតិអាមេរិក NSA ទាំងអស់៕
មតិយោបល់