ក្រុមហ៊ុនផលិតទូរស័ព្ទដៃតៃវ៉ាន់ HTC កំពុងតែសំងំផលិតនូវប្រព័ន្ធដំណើរការទូរស័ព្ទថ្មី សម្រាប់ទីផ្សារប្រទេសចិន។
សារព័ត៌មាន The Wall Street Journal បានរាយការណ៍ថា ប្រព័ន្ធដំណើរការទូរស័ព្ទដៃថ្មីនេះត្រូវបានបង្កើតឡើងសម្រាប់ប្រទេសចិន ដែលនៅក្នុងនោះ HTC បានធ្វើការបញ្ចូលនូវកម្មវិធីបណ្ដាញសង្គមដែលកំពុងតែពេញនិយមនៅក្នុងប្រទេសចិន ដោយរួមមានទាំង Weibo ផងដែរ។
ប្រភពដែលដឹងព័ត៌មាននេះ បានរាយការណ៍ថា ប្រព័ន្ធដំណើរការទូរស័ព្ទដៃនេះ ត្រូវបានបង្កើតដោយមានរដ្ឋាភិបាលនៃប្រទេសចិនជាអ្នកនៅក្រោយខ្នង។
គួរបញ្ជាក់ផងដែរថា នៅពេលនេះ ក្រុមហ៊ុនផលិតទូរស័ព្ទដៃនីមួយៗ បាននឹងកំពុងតែប្រជែងគ្នាដណ្ដើមទីផ្សារស្មាតហ្វូននៅក្នុងប្រទេសចិន ព្រោះថាចិនជាទីផ្សារធំមួយបន្ទាប់ពីសហរដ្ឋអាមេរិក ដែលថ្មីៗនេះ ក្រុមហ៊ុន Xiaomi កំពុងតែមានប្រជាប្រិយភាព៕
មតិយោបល់