មានបេក្ខជន រាប់ម៉ឺននាក់ កំពុងរង់ចាំយ៉ាងអន្ទះសា លទ្ធផលប្រលងសញ្ញាប័ត្រមធ្យមសិក្សាទុតិយភូមិ ដែល នឹងប្រកាស នៅថ្ងៃស្អែក សម្រាប់រាជធានីភ្នំពេញ និងខេត្តកណ្ដាល។ដោយឡែកនៅខេត្តផ្សេងទៀត នឹងត្រូវប្រកាសនៅថ្ងៃទី ៣១ ខែសីហា។
ជុំវិញនៃលទ្ធផលប្រឡងនៅស្អែកនេះដែរ ប្រាកដជា មានសិស្សានុសិស្សជាច្រើន ចង់អ៊ុតលទ្ធផល ថាខ្លួន ជាប់ឬក៏យ៉ាងណា ? ក្នុងនោះប្រាកដជាមានអ្នកខ្លះយំចំពោះលទ្ធផលចេញមកខ្លួនធ្លាក់ និងអ្នកខ្លះយំ ព្រោះសប្បាយឃើញលទ្ធផល ដោយជាប់និទ្ទេសល្អ លោតហើបជើងផុតពីដី ដោយស្រែកថា “ខ្ញុំជាប់ហើយ ! “ជាក់ជាមិនខាន ។
វាសនាល្អ ឬអាក្រក់ របស់សិស្សានុសិស្ស ដែលប្រឡងបាក់ឌុបឆ្នាំនេះ គឺអាស្រ័យលើលទ្ធផលស្អែកនេះ ជាមួយនឹងការខិតខំសិក្សា អស់រយៈពេល ១២ ឆ្នាំកន្លងមក ។ ម្យ៉ាងវិញទៀត យើងមិនទាន់អាចធ្វើការទស្សន៍ទាយបាននោះទេ ចំពោះលទ្ធផល ជាប់ប៉ុន្មាភាគរយ និងបាននិទ្ទេស ល្អបំផុតប៉ុន្មាភាគរយនោះ។ ដោយឡែកលទ្ធផល ប្រឡងកាលពីឆ្នាំ ២០១២ សិស្សប្រឡងជាប់បាក់ឌុបទាំងអស់ជាង៨៦% ក្នុងនោះនិទ្ទេសល្អប្រសើរ (និទ្ទេសA) មានចំនួន១០៥នាក់ និងនិទ្ទេសល្អណាស់ (និទ្ទេសB) មានចំនួន៣.៥០៥នាក់។
លទ្ធផលស្អែក សម្រាប់អ្នកដែលមិនជាប់ កុំអស់សង្ឈឹម ព្រោះថា នេះជាលទ្ធផលដែលយើងធ្វើខុស ដោយមិនយកចិត្តទុកដាក់ក្នុងការសិក្សាក្នុងពេលកន្លងមក ។ ហេតុដូច្នេះ គួរតែពិចារណា ឡើងវិញ ដោយការស្វ័យសិក្សាបន្ត ដើម្បីជោគវាសនាទៅថ្ងៃមុខ ។ ម្យ៉ាងវិញទៀត យើងត្រូវគិតថា នេះជាបទពិសោធន៍ ដែលខ្លួនឯង ធ្វើខុសសម្រាប់ខ្លួន ឯង និងយកវាមកកែខៃ ដើម្បីទទួលបានលទ្ធផល ល្អប្រសើរនៅឆ្នាំក្រោយ។ ទោះជាយ៉ាងណា លទ្ធផលមិនទាន់ចេញជាផ្លូវការនៅឡើយនោះទេ ថាជាប់ប៉ុន្មាន ? ធ្លាក់ប៉ុន្មាន ? តែដំណឹង មកថា លទ្ធផល ប្រឡងបាក់ឌុប នៅឆ្នាំនេះ ជាប់ច្រើន មិនខុសពីឆ្នាំមុន ប៉ុន្មានឡើយ។
តោះ ! ចឹងស្អែកនេះ អ៊ុតលទ្ធផល បាក់ឌុប ជាមួយនឹង កូន ពូដំណឹង ទាំងអស់គ្នាណា ! ៕
មតិយោបល់