កាលពីថ្ងៃអង្គារ តុលាការឥណ្ឌូនេស៊ី បានកាត់ទោសអតីតប្រធានប៉ូលិសចរាចរណ៍ លោក Djoko Susilo ឲ្យជាប់គុកចំនួន១០ឆ្នាំ បន្ទាប់ពីគាត់ត្រូវបានរកឃើញថា មានទោសកំហុសក្នុងការប្រព្រឹត្តិអំពើពុករលួយដោយទទួលប្រាក់សំណូកចំនួន១៨លានដុល្លារមេរិក និងការលាងលុយកខ្វក់។
យោតាមប្រភពព័ត៌មាន Jakata Post បានឲ្យដឹង លោក Djoko Susilo មិនត្រឹមតែកាត់ទោសឲ្យជាប់គុក ១០ឆ្នាំប៉ុណ្ណោះទេ ថែមទាំងត្រូវបង្គាប់ឲ្យបង់ប្រាក់ពិន័យជាទឹកប្រាក់ចំនួន ៤៥.០០០ដុល្លារអាមេរិក ចំពោះការប្រព្រឹត្តិអំពើពុករលួយនេះ។
នៅក្នុងសេចក្ដីប្រកាសបានបញ្ជាក់ថា លោក Djoko Susilo មានប្រាក់ខែក្នុងតំណែងជាប្រធានប៉ូលិសចរាចរណ៍នេះ ត្រឹមតែ ១.០០០ដុល្លារអាមេរិក ក្នុងមួយខែ ប៉ុន្តែក្រុមភ្នាក់ងារប្រឆាំងអំពើពុករលួយប្រទេសនេះ បានរកឃើញ និងរឹបអូសយកទ្រព្យសម្បតិ្តរបស់គាត់ដែលរួមមានផ្ទះច្រើនខ្នង រថយន្តជាច្រើនគ្រឿងនិង ស្ថានីយ៍ចាក់ប្រេងជាច្រើនកន្លែងទៀត ដែលគិតសរុបជាទឹកប្រាក់គឺមានចំនួន១៨លានដុល្លារ៕
មតិយោបល់