ពេជ្រទំហំ ១១៨ការ៉ាត នឹងត្រូវដាក់ដេញថ្លៃនៅក្នុងទីក្រុងហុងកុងប្រទេសចិន ដោយក្រុមហ៊ុនញ៉ូវយ៉កមួយ។
ក្រុមហ៊ុន Sotheby បានហៅពេជ្រនេះថា ជាពេជ្រដ៏អស្ចារ្យមួយ កម្រនឹងបានប្រទះឃើញ ដោយវាមានទំហំប៉ុនស៊ុតបក្សី ហើយនឹងត្រូវដាក់ដេញថ្លៃនៅក្នុងទីក្រុងហុងកុងប្រទេសចិន នាខែតុលា ឆ្នាំ ២០១៣ ខាងមុននេះ ដែលតាមការប៉ាន់ប្រមាណ អាចលក់បានក្នុងតម្លៃចន្លោះពី ២៨ទៅ៣៥លានដុល្លារអាមេរិក។
ពេជ្រទំហំ ១១៨ការ៉ាត ត្រូវបានគេរកឃើញនៅអណ្តូងរ៉ែមួយនៅអាហ្វ្រិកខាងត្បូងកាលពីឆ្នាំ២០១១ ជាត្បូងថ្មមិនទាន់ច្នៃ ទម្ងន់ ២៩៩ការ៉ាត។
គួរបញ្ជាក់ផងដែរថា បច្ចុប្បន្នពេជ្រដែលថ្លៃជាងគេបំផុតនៅលើពិភពលោក មានទម្ងន់ ១០១ការ៉ាត ថ្លៃ ២៦,៧លានដុល្លារអាមេរិក ជាពេជ្រមួយដែលមានរាងដូចផ្លែស៊េរី ដែលត្រូវបានគេដាក់លក់នៅក្នុងទីក្រុង Geneva កាលពីឆ្នាំកន្លងទៅ៕
ប្រភព៖ news.com.au
មតិយោបល់