ក្រុមហ៊ុនផលិតស្មាតហ្វូនធំលំដាប់ទី២របស់ចិន Huawei បាននិយាយថា ខ្លួនមិនចាំបាញ់ទិញក្រុមហ៊ុនផលិតទូរស័ព្ទដៃផ្សេង ក៏ទីផ្សារស្មាតហ្វូននៅតែកើនឡើង និងអាចវាយលុយទីផ្សារបានផងដែរ។
កាលពីថ្ងៃពុធ ម្សិលមិញនេះ អនុប្រធានជាន់ខ្ពស់ និងជាសមាជិកក្រុមប្រឹក្សាភិបាលអ្នកស្រី Chen Lifang បាននិយាយថា ក្រុមហ៊ុន Huawei មិនធ្លាប់មានបំណងចង់ទិញក្រុមហ៊ុនណាមួយឡើយ ជាពិសេសគឺ BlackBerry និង Nokia ហើយក៏ធ្លាប់បានច្រានចោលនូវពាក្យចចាមអារ៉ាមម្ដងរួចទៅហើយដែរ។
អ្នកស្រី បានប្រាប់អ្នកយកសារព័ត៌មាននៅក្នុងទីក្រុងឡុងដ៍ កាលពីថ្ងៃពុធ ម្សិលមិញនេះថា “យើង មិនបានសម្រេចចិត្តទិញយកក្រុមហ៊ុនណាមួយឡើយ ព្រោះថាបច្ចុប្បន្នទីផ្សារស្មាតហ្វូនរបស់យើង ក៏កំពុងតែចាប់ផ្ដើមដើរ និងវាយលុយទីផ្សារជាច្រើនក្រៅពីចិន”។
គួរបញ្ជាក់ផងដែរថា ក្រុមហ៊ុន Huawei បានក្លាយជាក្រុមហ៊ុនដំបូងគេដែលផលិតស្មាតហ្វូនស្ដើងជាងគេបំផុតក្នុងលោក ដោយមិនទាន់មានក្រុមហ៊ុនណាផលិតបានឡើង ហើយបច្ចុប្បន្នស្មាតហ្វូន Huawei Ascend P6 ដែលស្ដើងជាងគេនេះក៏មានលក់នៅស្រុកខែ្មរផងដែរ៕
មតិយោបល់