ប្រទេសអ៊ុយក្រែន និងបារាំង កាលពីថ្ងៃចន្ទនេះ បានយល់ព្រមលើកិច្ចព្រមព្រៀងបង្កើតទំនាក់ទំនងសហការទ្វេភាគីលើវិស័យសេដ្ឋកិច្ច និងពាណិជ្ជកម្ម។
កិច្ចព្រមព្រៀងនេះត្រូវបានធ្វើឡើងនៅក្នុងប្រជុំរវាងនាយករដ្ឋមន្ត្រីអ៊ុយក្រែន លោក Mykola Azarov និងគណៈប្រតិភូដែលមកពីប្រទេសបារាំង។
នៅក្នុងអំឡុងពេលប្រជុំលោកនាយករដ្ឋមន្ត្រីអ៊ុយក្រែន បាននិយាយថា នេះគឺជាសក្កានុពលផ្នែកសេដ្ឋកិច្ច និងពាណិជ្ជកម្មមួយដែលប្រទេសយើងទាំងពីរបានសហការគ្នា ហើយចំណងមិត្តភាពនេះ នឹងបន្តជាយូរអង្វែង។
លោកបានសម្តែងនូវក្ដីសង្ឃឹមថាចំណុចទាំងប្រាំពីរនៃអ៊ុយក្រែន- គណៈកម្មការអន្តររដ្ឋាភិបាលបារាំង នឹងត្រូវបានប្រារព្ធឡើងនៅក្នុងខែធ្នូនេះនឹងផ្តល់នូវកម្លាំងរុញច្រានលើកស្ទួយកិច្ចសហប្រតិបត្តិការសេដ្ឋកិច្ចរវាងប្រទេសទាំងពីរទៅកាន់កម្រិតថ្មីមួយ។
“ទំនាក់ទំនងពាណិជ្ជកម្ម និងសេដ្ឋកិច្ចរវាងប្រទេសរបស់យើងគឺមានសារៈសំខាន់ណាស់ ហើយយើងនឹងធ្វើវាឲ្យល្អបំផុតសម្រាប់ប្រទេសយើងទាំងពីរ”។ នេះជាសម្ដីរបស់លោកនាយករដ្ឋមន្ត្រីអ៊ុយក្រែនបញ្ជាក់ពីជំហររបស់ខ្លួន៕
មតិយោបល់