អង្គការសហប្រជាជាតិ បានធ្វើការស្ទាបស្ទង់ថា មនុស្សដែលរីកបំផុតនៅលើពិភពលោក គឺជាមនុស្សដែលស្ថិតនៅ ភាគខាងជើងនៃអឺរ៉ុប ។ ក្នុងរបាយការណ៍លើកទី ២ ក្នុងគោលដៅ World Happiness Report របស់អង្គការសហប្រជាជាតិ បានរកឃើញថា មនុស្ស ឬប្រជាពលរដ្ឋ ដែលញញឹម និងសប្បាយរីករាយភាគច្រើន គឺស្ថិតនៅក្នុងប្រទេស ដាណឺម៉ាក ន័រវែស ស្វ៊ីស ហូល្លង់ និងប្រទេស ស៊ុយអ៊ែត ។ ដោយសហរដ្ឋអាមេរិក ស្ថិតនៅទី ១៧ ក្នុងចំណោមការស្ទាប់ស្ទង់ធ្វើស្ថិតិ ខណៈដែលអ្នកជិតខាង កាណាដា ស្ថិតនៅទី ៦ និង អ្នកជិតខាងមិចស៊ិកូ ស្ថិតនៅលេខរៀងទី ១៦ ។
តាមរបាយការណ៍ដែលចេញផ្សាយនៅថ្ងៃចន្ទ កន្លងទៅនេះ ភាពសប្បាយរីករាយ សុខុមាលភាព វាបញ្ជាក់ថា ប្រទេសនេះ ស្ថិតនៅក្នុងស្ថានភាព និងវឌ្ឍនៈភាព គួរឲ្យកត់សម្គាល់មួយ ពោលគឺមានភាពរីកចម្រើន។
លោកសាស្ត្រាចារ្យ Jeffery Sachs បាននិយាយថា “ភាគច្រើននៃមេដឹកនាំលើពិភពលោក តែងតែនិយាយពី សុខុមាលភាព ដែលជាមគ្គុទេសក៏សម្រាប់ ប្រទេសជាតិ និងពិភពលោក របស់ពួកគេ”។
កាស្ទាប់ស្ទង់ក៏បានរកឃើញថា មនុស្សដែលសប្បាយរីករាយបំផុត ក៏មាននៅតំបន់ សាហារ៉ាន់អាហ្វ្រិក និង អាមេរិកឡាទីន ប៉ុន្តែទំនងវានឹងត្រូវធ្លាកចុះ ក្នុងចំណោមប្រទេសដែលមានឧស្សាហកម្មរីកចម្រើន ។
ក្នុងចំណោម ១៣០ ប្រទេស ទិន្នន័យដែលរកបាន បញ្ជាក់ថាប្រទេសមានសេចក្តីសុខ និងមនុស្សមានភាពសប្បាយរីករាយ គឺមានតែ ៦០ប្រទេស និង លក្ខណៈមិនអំណោយផល ក្នុងភាពសប្បាយរីករាយគឺ ៤១ ប្រទេស នេះបើតាមការស្ទាប់ស្ទង់ចង្អុលបង្ហាញ៕
មតិយោបល់