ចិនត្រូវបានគេរំពឹងទុកថា នឹងក្លាយជាប្រទេសផលិតឧស្ម័នធម្មជាតិធំលំដាប់ទី៣នៅក្នុងពិភពលោកនាឆ្នាំ ២០៣៥ នេះបើយោងតាមព័ត៌មានជាផ្លូវការរបស់សហភាពឧស្ម័នអន្តរជាតិ (IGU) បានឲ្យដឹងកាលពីថ្ងៃព្រហស្បតិ៍ កន្លងទៅនេះ។
Torstein Insreb លេខាធិការទូទៅរបស់សហភាពឧស្ម័នអន្តរជាតិបានថ្លែងនៅក្នុងព្រឹត្តិការណ៍ពិព័រណ៌បំពង់បង្អូរប្រេងអន្តរជាតិ និងសន្និសិទ នៅក្នុងខេត្ត Hebei ប្រទេសចិន ថាចិនត្រូវបានគេរំពឹងទុកថា ជាប្រទេសផលិតឧស្ម័នធម្មជាតិធំជាងគេទី៣ នៅឆ្នាំ ២០៣៥។
ដោយសារតម្រូវការដ៏សម្បើម នឹងឃើញពីសមត្ថភាពនៃការផលិតឧស្ម័នធម្មជាតិរបស់ចិន ទើបសហភាពឧស្ម័នអន្តរជាតិបានរំពឹងថា ចិននឹងឈរនៅលេខរៀងទី៣នៃប្រទេសដែលផលិតឧស្ម័នធម្មជាតិច្រើនជាងគេបន្ទាប់ពីរុស្ស៊ី និងសហរដ្ឋអាមេរិក។
ស្ថិតិបានបង្ហាញថា ទំហំនៃការផលិតឧស្ម័នធម្មជាតិរបស់ចិន បានកើនឡើង ៦,៧ភាគរយ បើធៀបនឹងឆ្នាំកន្លងទៅ ដែលកាលពីឆ្នាំមុនមានចំនួន ១០៦,៧ពាន់លានម៉ែត្រគូប៕
មតិយោបល់