តម្លៃជាមធ្យមនៃការព្យាបាល ពិគ្រោះពិនិត្យជំងឺនៅក្នុងមន្ទីរពេទ្យសាធារណៈ ឬមន្ទីរពេទ្យឯកជនបានកើនឡើងជាង ៥ភាគរយ នៅក្នុងរយៈពេល ៧ខែដំបូងនៃឆ្នាំ ២០១៣។ នេះបើយោងតាមការឲ្យដឹងពីមន្ត្រីសុខភាពចិន។
ថ្លៃព្យាបាល ពិនិត្យពិគ្រោះជំងឺនៅតាមមន្ទីរឯកជនលំដាប់ខ្ពស់គិតជាមធ្យមប្រមាណជាង ២៥៣យន់ ស្មើនឹង ៤២ដុល្លារអាមេរិក ក្នុងមួយនាក់ ដែលកើនឡើង ៥,៩ភាគរយបើធៀបនឹងមុន ពោលគឺលើពីកម្រិតអតិផរណា ៣,៤ភាគរយ។ នេះបើយោងតាមស្ថិតិដែលផ្ដល់ឲ្យពីគណកម្មាធិការសុខភាពជាតិ និងផែនការគ្រួសារ។
ស្របពេលជាមួយគ្នានោះផងដែរ សន្ទស្សន៍នៃតម្លៃទំនិញប្រើប្រាស់ប្រចាំថ្ងៃ ដែលជាកូនសោរសំខាន់ក្នុងការវាស់កម្រិតអតិផរណាបានកើនឡើងត្រឹមតែ ២,៥ភាគរយប៉ុណ្ណោះ នៅចន្លោះខែមករា-សីហា។
ការចំណាយទៅលើការព្យាបាល និងពិគ្រោះជំងឺនៅតាមមន្ទីរពេទ្យឯកជនកម្រិតមធ្យមវិញ មានតម្លៃប្រមាណ ១៦៦យន់ក្នុងមួយនាក់ កើនឡើង ៦,៣ភាគរយ ធៀបនឹងឆ្នាំមុន ឬលើសពីមក្រិតអតិផរណា ៣,៨ភាគរយ។
នៅក្នុងចន្លោះខែកមរា-កក្កដា ឆ្នាំនេះ មានមនុស្សប្រមាណជា ៤,០៤ពាន់លាននាក់បានមកជួបវេជ្ជបណ្ឌិត ដើម្បីពិគ្រោះ និងពិនិត្យព្យាបាលជំងឺនៅក្នុងប្រទេសចិន ដែលកើនឡើង ៧,៧ភាគរយ បើធៀបនឹងឆ្នាំមុន៕
មតិយោបល់