ការលក់ផ្ទះឯកជននៅក្នុងប្រទេសសិង្ហបុរីបានកើនខ្ពស់រហូតដល់ទៅ ៥៤,៣ភាគរយ បន្ទាប់ពីធ្លាក់ខ្លាំងកាលពីខែកក្កដាកន្លងទៅ នេះបើយោងតាមទីភ្នាក់ងារព័ត៌មានចិន ស៊ិនហួ។
ទីភ្នាក់ងារព័ត៌មានចិន ស៊ិនហួ បានចុះផ្សាយនៅថ្ងៃទី១៦ខែកញ្ញា ២០១៣ថា នៅក្នុងខែសីហា មានលំនៅដ្ឋានឯកជនថ្មីចំនួន ៧៤២ផ្ទះ ត្រូវបានលក់ ដោយកើនឡើងយ៉ាងខ្លាំងបើធៀបទៅនឹងខែកក្កដា មានចំនួនត្រឹមតែ ៤៨១ផ្ទះ។ ទោះបីជាយ៉ាងណាក្ដី តួលេខនៅក្នុងខែសីហាស្មើនឹងពាក់កណ្ដាលនៃផ្ទះដែលបានលក់កាលពីឆ្នាំមុនប៉ុណ្ណោះ។
ប្រភពខាងលើបានបញ្ជាក់ទៀតថា បើសិនជារាប់បញ្ចូលទាំងខុនដូ លំនៅដ្ឋានឯកជនកូនកាត់ ទៀតនោះ នៅក្នុងខែសីហាលក់បានផ្ទះចំនួន ១.៤៦៨ ដែលកាលពីខែកក្កដាមានចំនួនត្រឹមតែ ៥៩៣ប៉ុណ្ណោះ។
កាលពីខែកក្កដា ការលក់ផ្ទះឯកជនថ្មីនៅសិង្ហាបុរី បានធ្លាក់ចុះយ៉ាងខ្លាំង រហូតដល់មានការអត្រានៃអ្នកខ្ចីប្រាក់កើនឡើងទៅលើសេវាកម្ចីអចលនទ្រព្យរហូតដល់ ៦០ភាគរយ៕
មតិយោបល់