បន្ទាយមានជ័យ៖ ស្របពេលដែលអធិការស្រុកក្រុងមួយចំនួនកំពុងតែអនុវត្តបទបញ្ជារបស់លោក អាត់ ខែម ស្នងការខេត្តបន្ទាយមានជ័យក្នុងការបង្ក្រាបល្បែងឆ្នោត ស្រាប់តែអធិការក្រុងប៉ោយប៉ែតបែជាផ្គើននិងបញ្ជារបណ្តោយអោយមានការលក់ឆ្នោតបណ្តាក់គ្នាដូចខ្យងលក់យ៉ាងពេញមុខនៅមាត់ច្រកអន្តរជាតិប៉ោយប៉ែតនិងតាមផ្ទះផ្លូវចូលផ្ទះសំណាក់លីហូវដែលជាថ្ងៃឆ្នោតសៀមចេញទី១តុលា២០១៤។
លោក អាត់ ខែម ស្នងការនគរបាលខេត្តបន្ទាយមានជ័យបានអោយដឹងថាដោយពិនិត្យឃើញថាល្បែងកន្ទុយលេខកំពុងរីកដូចផ្សិតមានអ្នកញៀននិងល្បែងនេះចាញ់អស់លុយលោកក៍បានដាក់វិធានការណ៍អោយបណ្តាលអធិការគ្រប់ស្រុកក្រុងទូទាំងខេត្តបង្ក្រាបអោយបានអ្នកលក់និងមេធំៗ។ជាមួយវិធានការនេះឃើញថាអធិការស្រុកមង្គលបូរីនិងក្រុងសិរីសោភ័ណប៉ុន្មានថ្ងៃបន្តបន្ទាបគ្នានេះបានចាប់បានអ្នកលក់ឆ្នោតជាច្រើនាក់បញ្ជូនទៅតុលាការដើម្បីធ្វើការអប់រំនិងឈានទៅបង្ក្រាបទីតាំងមេធំៗ។
ជាមួយនិងការបង្ក្រាបនេះដែលគេឃើញថាលោក អ៊ុំ សុផល អធិការក្រុងប៉ោយប៉ែតកំពុងតែផ្គើននិងបទបញ្ជាលោកស្នងការដោយមានតែវិធានការខ្វះការអនុវត្តចាប់អ្នកលក់ឆ្នោតយ៉ាងគគ្រឹកគគ្រេងតាមផ្លូវនៃមាត់ច្រកអន្តរជាតិប៉ោយប៉ែតនិងទីតាំងមេធំៗដែលបើកលក់តាមផ្ទះនៅតាមផ្លូវចូលផ្ទះសំណាក់លី ហូវ និងកន្លែងជាច្រើនទៀត។
លោក អ៊ុំ សុផល អធិការក្រុងប៉ោយប៉ែតបានអោយដឹងថាការដែលមានតុដាក់លក់កន្ទុយលេខឬឆ្នោតក្នុងក្រុងលោកបានដាក់ផែនការទៅតាមប៉ុស្តិ៍គោលដៅរួចហើយ ដោយទ្បែកចំពោះទីតាំងលក់នៅច្រកទ្វារអន្តរជាតិប៉ោយប៉ែតលោកមិនអាចបង្ក្រាបបានទេវាហួសតំបន់រដ្ឋបាលដែលលោកគ្រប់គ្រងគឺវាជាដែនសមត្ថកិច្ចរបស់ប៉ូលិសអន្តោប្រវេសន៍និងច្រក។
តែបើតាមប្រភពព័ត៍មាននានាបានបង្ហើបអោយដឹងថាមូលហេតុដែលមិនមានការបង្ក្រាបល្បែងកន្ទុយលេខពីសំណាក់លោកអធិការគឺសង្ស័យទីតាំងទាំងនោះបានផ្តល់ផលប្រយោជន៍ជូនហើយមើលទៅ៕
មតិយោបល់