យោងតាមប្រភពព័ត៌មាន orange.co.uk បានចុះឲ្យដឹងថា ស្ត្រីម្នាក់ស្ថិតនៅភាគខាងជើង ប្រទេសចិន ត្រូវបានបញ្ជូនទៅកាន់មន្ទីរពេទ្យជាបន្ទាន់ បន្ទាប់ពិនាងត្រូវបានពស់ដែលត្រាំក្នុងដប់ស្រារយៈពេល ៣ ខែ បានហក់លោតចេញពីដប មកខាំដៃរបស់នាង។
រឿងដ៏គួរឲ្យភ្ញាក់ផ្អើលនេះដែរ បានកើតឡើង បន្ទាប់ពី នាង Liu ដែលមកពី Shuangcheng ខេត្ត Heilongjiang បានបើកគំរបដប ដើម្បីបន្ថែមស្រា ។ បើតាមរបាយការណ៍របស់ Global Times បានឲ្យដឹងថា សត្វពស់មួយក្បាលដែលត្រាំក្នុងដប បានហក់វាយប្រហារដៃនាង របួសធ្ងន់ធ្ងរ បញ្ជូនទៅកាន់មន្ទីរពេទ្យ ដើម្បីព្យាបាលជាបន្ទាន់។នាង Liu បានឲ្យដឹងថា នាងបានទិញសត្វពស់ដែលមានជីវិត កាលពីខែ មិថុនា ហើយដាក់វាបញ្ចូលដប ស្រា ដើម្បីបង្កើតស្រាពស់ព្យាបាលជំងឺ សន្លាក់ឆ្អឹងរបស់នាង។
បញ្ជាក់ផងដែរថា ភាគច្រើនស្រាថ្នាំនៅក្នុងប្រទេសចិន ច្រើនត្រាំទៅដោយសត្វមានពឹសដូចជា ពស់វែក និងសត្វមានពឹងផ្សេងៗ ទៀត ជាមួយនឹងឧសថធម្មជាតិ ដែលធ្វើឲ្យខ្លួនមានសុខភាពល្អប្រសើរ៕
មតិយោបល់