តម្លៃផ្ទះថ្មី និងផ្ទះដែលមានគេនៅរួចហើយ នៅក្នុងប្រទេសចិនបានបន្តកើនឡើង នាខែសីហាកន្លងទៅ។ បើយោងតាមទិន្នន័យជាផ្លូវរបស់ចិន បានឲ្យដឹងនៅថ្ងៃពុធនេះ។
ក្នុងចំណោមទីក្រុងធំៗទាំង ៧៧របស់ចិន មាន ៦៦ទីក្រុង ដែលមានតម្លៃផ្ទះកើនឡើងជាលំដាប់ពីមួយខែទៅមួយខែ ដែលនៅក្នុងនោះកាលពីខែកក្កដា កើនឡើង ៦២ភាគរយ នេះបើយោងតាមស្ថិតិជាផ្លូវការចិនបានប្រកាស។
នៅក្នុងរបាយការណ៍បានបញ្ជាក់ឲ្យដឹងថា តម្លៃផ្ទះថ្មី និងផ្ទះដែលប្រើរួច គឺកើនឡើងដូចគ្នានៅចន្លោះខែកក្កដា-សីហា។
នៅក្នុងទីក្រុងធំៗរបស់ចិន មានដូចជា ប៉េកាំង សៀងហៃ ហ្គាំងចូវ និងសិនសៀន តម្លៃផ្ទះថ្មីបានកើនឡើងពី ១៨ទៅ ២០ភាគរយ បើធៀបនឹងឆ្នាំមុនក្នុងរយៈពេលដូចគ្នា។
អត្រាកំណើតជាមធ្យមក្នុងចន្លោះពីមួយខែទៅមួយមានចំនួន ០,៨ភាគរយ ដែលជាតួលេខមួយបញ្ជាក់ថា តម្លៃផ្ទះពិតជាកើនឡើងខ្ពស់៕
មតិយោបល់