ជាធម្មតាកើតមកជាមនុស្សឆ្លងកាត់យុវវ័យភាគច្រើនពួកគេតែងតែមានគូតាមលក្ខណ្ឌធម្មជាតិតែមិនមែនទាំងអស់គ្នាសុទ្ធតែអាចស្វែងរកសង្សារបានងាយៗនោះទេ។មនុស្សប្រុសដែលអត់សង្សារអាចមានមូលហេតុច្រើនដូចជារវល់នឹងការងារពេក រៀនច្រើនពេក រូបរាងមិនសូវស្អាត ការរើសខ្លាំងពេកនូវដៃគូសង្សារដែលវាជាហេតុធ្វើឲ្យគេមានការខ្មាស់អៀនក្នុងការជិះដើរលេងខាងក្រៅតែឯង។សម្លឹងឃើញគេមានសង្សារឌុបអង្គុយលេងហូបចំណីនៅតាមទីសាធារណៈពិតជាធ្វើឲ្យបុរសដែលអត់សង្សារនោះពិបាកនៅក្នុងការធ្វើចិត្តណាស់។តាមការស្រាវជ្រាវសាកសួរនិងបទពិសោធមួយចំនួន ដំណឹង សូមចែករំលែកនូវវិធីខ្លះក្នុងការធ្វើឲ្យបុរសដែលអត់សង្សារឌុបនឹងគេនោះកុំឲ្យកើតត្រេសខ្លាំងនៅពេលដែលឃើញគេឌុបសង្សារគេនោះ :
- ព្យាយាមលេងកីឡាពេលទំនេរ
- កុំប្រើប្រាស់ពេលវេលានៅសល់ក្នុងការស្តាប់បទចម្រៀងមនោសញ្ចេតនា
- តែបើអាចច្រៀងលេងតាមចម្រៀងវិញជាការល្អ
- មើលវីដេអូកំប្លែងឲ្យបានច្រើនជាជាងការគិតច្រើនដែលធ្វើឲ្យមុខយើងឆាប់ចាស់ជ្រៀវជ្រួញ
- ទិញកញ្ចក់ថ្លៃៗដាក់បន្ទប់ព្រោះថាវាអាចធ្វើឲ្យយើងស្រស់ស្រាយពេលឃើញខ្លួនឯងស្អាតជាងនៅខាងក្រៅ
- កុំឧស្សាហ៍ជិះដើរលេងតែឯង ទៅកន្លែងណាដែលមានមនុស្សកំសាន្តច្រើនតាមបែបសង្សារដូចជាមាត់ទន្លេ,ហាងមីឆា, កោះពេជ្រជាដើម
- ទៅក្លឹបកីឡាឲ្យបានប្រចាំបើសិនជាអាចព្រោះថាយើងនឹងបានទាំងសុខភាពនិងរូបរាងកាយ
មានអ្នកខ្លះបានឲ្យយោបល់ថាការដែលមួយខែម្តង ឬពីរដងចូលទៅច្រៀងខារ៉ាអូខេលេងក៏អាចធ្វើឲ្យបុរសអត់សង្សារនោះកាត់បន្ថយភាពតានតឹងដែរ !! តើអ្នកទាំងអស់គ្នាធ្លាប់មានបទពិសោធ ឬមានវិធីអ្វីដែលល្អជាងនេះទេ ?? ៕
ព័ត៌មានជាតិ
មតិយោបល់