រដ្ឋាភិបាលអាហ្វ្រិកខាងត្បូងមានគម្រោងអនុម័តច្បាប់ថ្មី លើការហាមឃាត់ការឃោសនាពាណិជ្ជកម្មគ្រឿងស្រវឹង ដើម្បីសុខភាពថ្នាក់ជាតិ។ នេះបើយោងតាមការឲ្យដឹងជាផ្លូវការមួយកាលពីថ្ងៃសុក្រកន្លងទៅ។
រដ្ឋមន្ត្រីតំណាងឲ្យរដ្ឋាភិបាលបាននិយាយថា សេចក្ដីព្រាងច្បាប់នេះគឺចង់កាត់បន្ថយការស្លាប់ដោយសារគ្រឿងស្រវឹង និងការបន្ថយការផ្សព្វផ្សាយពាណិជ្ជកម្មជាសាធារណៈក្នុងការលើកកម្ពស់មនុស្សឲ្យសេពគ្រឿងស្រវឹង។ និយាយជារួមគឺកាត់បន្ថយការផ្សព្វផ្សាយពាណិជ្ជកម្មទាំងឡាយណា ដែលលើកកម្ពស់មនុស្សឲ្យសេពគ្រឿងស្រវឹង ដូចជាផ្ដល់ជួនរង្វាន់ជាដើម។
រដ្ឋាភិបាលបានមើលឃើញពីផលប៉ះពាល់ និងចំណុចអវិជ្ជមានជាច្រើនមកបណ្ដាលមកពីជាតិអាល់កុល ដែលបានប៉ះពាល់ដល់បុគ្គលិក គ្រួសារ សង្គម សហគមន៍ ប្រទេសជាតិ។
រដ្ឋមន្ត្រីរដ្ឋាភិបាលបាននិយាយថា មូលហេតុនាំឲ្យចេញសេចក្ដីព្រាងច្បាប់នេះ ដោយសារតែការប្រើប្រាស់ជាតិអាល់កុលនៅក្នុងប្រទេសអាហ្វ្រិកខាងត្បូងមានតួលេខខ្ពស់ ជាពិសេសចំនួនអ្នកស្លាប់ និងអ្នកជំងឺដែលកើតឡើងពីជាតិអាល់កុលមានច្រើនករណី ជាពិសេសអំពើហិង្សា ឧក្រិដ្ឋកម្ម គ្រោះថ្នាក់ចរាចរណ៍ ជាដើម។
ស្រាជាឃាតករសាហាវ និងធំបំផុតនៅក្នុងប្រទេសអាហ្វ្រិកខាងត្បូង ដោយយោងតាមរបាយការណ៍បានបញ្ជាក់ថា មានមនុស្សស្លាប់ជារៀងរាល់ថ្ងៃ ១០០នាក់ ដោយសារតែគ្រឿងស្រវឹង៕
មតិយោបល់