អង្គការសហប្រជាជាតិ ( 24/09/13 ) : យោងតាមទីភ្នាក់ងារស៊ីនហួរ បានឲ្យដឹងថាលោកប្រធានាធិបតីអាមេរិកកាលពីថ្ងៃអង្គារបាននិយាយថាប្រទេសរបស់ខ្លួននឹងផ្សារភ្ជាប់ទំនាក់ទំនងឲ្យកាន់តែប្រសើរឡើងលើបញ្ហាការទូតក្នុងការដោះស្រាយជម្លោះដ៏យូរអង្វែងលើករណីអាវុធនុយក្លេអ៊ែររបស់អ៊ីរ៉ង់ដោយមានលោករដ្ឋាលេខាធិការ John Kerry ជាអ្នកតំណាងដើម្បីធ្វើការជាមួយទីក្រុងតេហរ៉ង់។
លោកបានបន្ថែមទៀតថាលោកជឿថាពួកយើងពិតជាអាចដោះស្រាយបញ្ហាអាវុធនុយក្លេអ៊ែរដោយសន្តិភាពបាននឹងធ្វើឲ្យភាពតានតឹងនិងចំណងមិត្តភាពរបស់ប្រទេសទាំងពីរប្រសើរឡើងជាងនេះ។ពួកយើងមិនចង់ផ្លាស់ប្តូររបបនៃប្រទេសនេះទេពួកយើងគោរពប្រជាពលរដ្ឋអ៊ីរ៉ង់ក្នុងការចង់បានចង់រស់នៅក្នុងសន្តិភាពដូចនេះយើងនៅតែទទូចឲ្យរដ្ឋាភិបាលទីក្រុងតេហរ៉ង់បង្ហាញពីភាពទទួលខុសត្រូវឲ្យខ្លាំងជាងនេះលើបញ្ហាអាវុធនុយក្លេអ៊ែរនេះ។
លោកអូបាម៉ាក៏បានបញ្ជាក់ផងដែរពីការសន្យាថ្មីៗនេះរបស់លោកប្រធានាធិបតីអ៊ីរ៉ង់ Hassan Rouhani ទៅលើការបញ្ឈប់ដំណើរការផលិតអាវុធនុយក្លេអ៊ែរថាជាការចាប់ផ្តើមមួយដ៏ប្រសើរនៃការដោះស្រាយបញ្ហាដោយសន្តិវិធីប៉ុន្តែលោកអូបាម៉ាបាននិយាយថាយើងមិនអាចប្រើរយៈពេលមួយយប់នឹងអាចដោះស្រាយវាបាននោះដែរ៕
មតិយោបល់