ក្រុមហ៊ុនអាកាសចរណ៍ចិនចំនួនបី បានធ្វើការបញ្ជាទិញនូវយន្តហោះប្រភេទ A320 សរុបចំនួន ៦៨គ្រឿង។ នេះបើយោងតាមការឲ្យដឹងពីក្រុមហ៊ុន Airbus កាលពីថ្ងៃពុធ ម្សិលមិញ។
ក្នុងចំណោមក្រុមហ៊ុនទាំងបីនោះរួមមានក្រុមហ៊ុនអាកាសចរណ៍ BOC Aviation បានបញ្ជាទិញចំនួន ២៥គ្រឿង ក្រុមហ៊ុនអាកាសចរណ៍ Qngdao Airlines បញ្ជាទិញ ២៣គ្រឿង និងក្រុមហ៊ុនអាកាសចរណ៍ Zhejiang Loong Airlines បញ្ជាទិញចំនួន ២០គ្រឿង។
ការធ្វើដំណើរតាមរយៈអាកាសចរណ៍បានកើនឡើងឥតឈប់ឈរនៅក្នុងប្រទេសដែលជាតំបន់អាស៊ីង និងនៅតំបន់ផ្សេងៗទៀត ជាមួយគ្នានោះផងដែរ មានអ្នកដំណើរប្រមាណ ៣២០លាននាក់បានធ្វើដំណើរការទៅកាន់ប្រទេសចិនកាលពីឆ្នាំ ២០១២ បើធៀបនឹងឆ្នាំ ២០១១ កើនឡើង ៩ភាគរយ។
លោក John Leahy ប្រធានប្រតិបត្តិទទួលបន្ទុកផ្នែកអតិថិជនរបស់ Airbus បាននិយាយថា ការបញ្ជាទិញយន្តហោះ គឺសបញ្ជាឲ្យឃើញថា យន្តហោះម៉ូដែល A320 ជាយន្តហោះមួយដែលមានប្រជាប្រិយភាព និងការពេញនិយមខ្លាំងពីសំណាក់ក្រុមហ៊ុនអាកាសចរណ៍។
ស្ត្រីអ្នកនាំពាក្យក្រុមហ៊ុន BOC បានថ្លែងប្រាប់អ្នកសារព័ត៌ AFP ថា តម្លៃសរុបនៃយន្តហោះចំនួន ២៥គ្រឿងដែលបានបញ្ជាទិញគឺ ២,៦ពាន់លានដុល្លារអាមេរិក។ បន្ថែមលើនោះផងដែរកាលពីខែកមរា កន្លងទៅក្រុមហ៊ុន BOC ក៏បានទិញយន្តហោះប្រភេទ A320 ចំនួន ៥០គ្រឿងផងដែរ។
តាមការឲ្យដឹង មូលហេតុដែលបណ្ដាលឲ្យក្រុមហ៊ុនអាកាសចរណ៍ទាំងនោះបញ្ជាទិញយន្តហោះជាច្រើនបែបនេះក៏ដោយសារតែពួកគេយល់ឃើញថា ចំនួនអ្នកដំណើរនឹងកើនឡើងខ្ពស់នៅក្នុងប្រទេសចិននាប៉ុន្មានឆ្នាំក្រោយទៀត៕
មតិយោបល់