ទីក្រុងមិចស៊ិចកូ ( 25/09/13 ) : ចំនួននៃអ្នកស្លាប់ដែលបណ្តាលមកពីព្យុះពីរដងជាប់គ្នានៅមិចស៊ិចកូបានសម្លាប់ប្រជាពលរដ្ឋដល់ទៅ 139 នាក់និងបណ្តាលឲ្យ 53 នាក់នៅបន្តបាត់ខ្លួននៅឡើយបន្ទាប់ពីភូមិនិងផ្ទះរបស់គេត្រូវបានដីបាក់ហូរនាំទៅតាមទឹក។
មនុស្សតែ 35 នាក់ប៉ុណ្ណោះដែលរងរបួសពីគ្រោះថ្នាក់ធម្មជាតិមួយនេះបន្ទាប់ពីព្យុះភ្លៀងបានបណ្តាលឲ្យទៅជាការរអិលធ្លាក់ដីនៅក្នុងរដ្ឋជាច្រើននៅក្នុងប្រទេស។ទីក្រុងចំនួន 312 នៅក្នុងរដ្ឋ 14 របស់មិចស៊ិចកូត្រូវបានដាក់ប្រកាសនៅក្នុងភាពប្រកាសអាសន្នហើយមនុស្សជាង 58,000 នាក់ត្រូវបានជន្លៀសខ្លួនទៅកាន់ទីទួលសុវត្ថិភាព។
នៅក្នុងនោះតំបន់ដែលរងគ្រោះថ្នាក់ខ្លាំងជាងគេនោះគឺ La Pintada ជាភូមិមួយដែលស្ថិតនៅនឹងភ្នំភាគនារតីនៃប្រទេស។ព្យុះត្រូពិកទាំងពីរដែលវាយបោកបក់ប្រទេសមិចស៊ិចកូក្នុងរយៈពេល 24 ម៉ោងពេញកាលពីថ្ងៃច័ន្ទបានធ្វើឲ្យប៉ះពាល់ដល់គ្រួសារជាង 1,5 លានគ្រួសារហើយបង្ខំឲ្យប្រជាជនប្រមាណ 350,000 នាក់សម្រេចចិត្តចាកចោលគេហដ្ឋានរបស់គេទៅកាន់ទីកន្លែងសុវត្ថិភាព៕
https://i1272.photobucket.com/albums/y389/domneng/Air/Mexico1_zps66b67aea.jpeg
https://i1272.photobucket.com/albums/y389/domneng/Air/Mexico2_zpsec360b4a.jpeg
មតិយោបល់