អតីតខ្សែបម្រើ ក្លិបមាន់ខ្នាយមាស បានរកឃើញផ្ទះថ្មីសម្រាប់ជួលនៅហើយ បន្ទាប់ពីផ្ទេរទៅកាន់ ក្លិប Real Madrid ។
ជិត ១ ខែ ក្នុងការចូលរួមលេងឲ្យក្លិប Real Madrid ដែលធ្វើកិច្ចព្រមព្រៀង ជាមួយនឹងក្លិបតម្លៃ ៨៦ លានផោន កីឡាករ Gareth Bale ទើបតែរកកន្លែងស្នាក់នៅបាន នៅក្នុងរដ្ឋធានី ក្នុងប្រទេសអេស្ប៉ាញ។
យោងតាមប្រភពព័ត៌មានរបស់ Mundo Deportivo បានឲ្យដឹងថា កីឡាករសញ្ជាតិវែល រូបនេះ បានយល់ព្រមជួលវីឡារបស់ កីឡាករ Kaka ដែលជាខ្សែបម្រើ សញ្ជាតិប្រេស៊ីល ត្រូវបានកម្ចីជើងទៅកាន់ AC Milan ។វីឡានេះដែរ សាងសងលើទំហំផ្ទៃដី ១៥០០ ម៉ែត្រ ក្រឡា ដោយមានបន្ទប់គេង ៤ ផ្ទះ បាយ ១ ដ៏ធំ រោងសម្រាប់សំចតឡាន ៦ អាងហែលទឹក និងអ្វីផ្សេងៗទៀត ជាច្រើន។
ក្នុងការផ្ទេរមករស់នៅជាមួយនឹងវីឡា ដ៏ធំស្កឹមស្កៃនេះដែរ កីឡាករ Bale មានអ្នកជិតខាងមួយ ដែលជាកីឡាករល្បីពេញពិភពលោករបស់ប្រេស៊ីល នោះគឺ Ronaldo ។ក្រៅពីនេះមានកីឡាករ Benzema, Casillas និង Sergio Ramos ៕
មតិយោបល់