យោងទៅតាមគេហទំព័របរទេសមួយ ចុះផ្សាយនៅថ្ងៃទី២៧ខែកញ្ញាឆ្នាំ២០១៣ ឲ្យដឹងថា បុរសម្នាក់ដែលរស់នៅក្នុងទីក្រុង Deltana រដ្ឋផ្លរីដា សហរដ្ឋអាមេរិច បានប្រើប្រាស់ថ្នាំញៀនមកទូទាត់វិក័យប័ត្រ។
តាមរបាយការណ៍ដែលត្រូវបានថតដោយកាមេរ៉ាសុវត្ថិភាព នៅថ្ងៃទី២៣ ខែកញ្ញា បុរសម្នាក់ស្លៀកពាក់យឺត ខោខ្លីពណ៌ខ្មៅនិងកាន់នឹងកាន់ស្រោមសំបុត្រមួយក្នុងគោលបំណងមកបង់ប្រាក់។
បុរសម្នាក់នេះបានដកស្រោមសំបុត្រចេញមកដើម្បីទូទាត់វិក័យប័ត្រព្រោះគិតគាត់ដាក់លុយនៅក្នុងនោះ ប៉ុន្តែ នៅពេលដែលអ្នកគិតលុយបើកស្រោមសំបុត្រនោះឡើងក៏ឃើញមានម្សៅពណ៌ស។ ឃើញបែនេះបុរសម្នាក់នេះបានទាញស្រោមសំបុត្របិទភ្លាមៗ ហើយស្ទើរតែគ្មានអ្នកណាម្នាក់ដឹងថានៅក្នុងស្រោមសំបុត្រនេះមានថ្នាំញៀនបែបនេះទេ។
បើតាមប៉ូលិសអះអាងថានេះគឺជាកាកូអ៊ីន ហើយឥឡូវនេះប៉ូលិសកំពុងតែព្យាយាមស្វែងរកឲ្យឃើញពីអត្តសញ្ញាណរបស់ម្នាក់នេះ៕
មតិយោបល់