ដូចជាយូរក្រែលដែរ ប្រភពព័ត៌មានជាច្រើនបានចុះផ្សាយពីអនាគត់ របស់កីឡាករ Lewandowski ដោយត្រូវបានគេរំពឹងទុកថា ខ្សែប្រយុទ្ធប៉ូឡូញ រូបនេះ នឹងទៅលេងនៅ ក្នុងក្លិបចំណោម ២ គឺ បិសាចក្រហម និង ក្លិប Bayern ។
ថ្ងៃនេះដែរសម្រាប់ព័ត៌មានបញ្ចប់ពីអនាគត់ខ្សែប្រយុទ្ធ សញ្ជាតិប៉ូឡូញ Lewandowski បានមកដល់ហើយ ខណៈដែលខ្សែប្រយុទ្ធរូបនេះ បាននិយាយអំពី ការផ្លាស់ទី ឬក្លិប នៅខែមករា ខណៈដែលសំនួរសួរថា តើអ្នកគិតដូចម្តេច ថានឹងបានលេងនៅក្លិប Bayern ឬអត់នៅខែ មករាខាងមុខនេះ? ។ ខ្សែប្រយុទ្ធសញ្ជាតិប៉ូឡូញ បាននិយាយថា “ជាក់ណាស់ ដោយសារតែយើងបានធ្វើកុងត្រាជាផ្លូវការ”។ ដោយឡែកសម្រាប់នៅអាល្លឺម៉ង់វិញ ក៏មានព័ត៌មាន មួយចំនួន ហាក់ដូចជា ចុះផ្សាយពីកិច្ចព្រមព្រៀង ក្លិប Bayern និង Lewandowski ផងដែរ ជាមួយនឹងរយៈពេល ៤ ឆ្នាំ។
សម្រាប់នៅខែ មករា ជាពេលដែលសមល្មមហើយ ដែលកុងត្រារបស់កីឡាកររូបនេះជាមួយនឹង Dortmund ត្រូវបានបញ្ចប់ ផងដែរ។
កីឡាករ Robert Lewandowski បានចូលលេងឲ្យក្លិប Dortmund នៅឆ្នាំ ២០១០ ជាមួយនឹងតម្លៃ 4.5 លានដុល្លារ ។ខណៈដែលលេងឲ្យក្លិប ស៊ុតបញ្ចូលទី ៨០ គ្រាប់ ជាមួយនឹងការលេចមុខលើទីលាន ១៤៦ ដង ។ Robert Lewandowski ដែលធ្វើឲ្យគេចាប់អារម្មណ៍បំផុតនោះគឺ អាចរកបាន ៤ គ្រាប់ បបាក់ Real នៅវគ្គ ពាក់កណ្តាលផ្តាច់ព្រ័ត្រ ក្នុងក្របខណ្ឌ Champions League ៕
ទស្សនាគ្រាប់បាល់ របស់ Robert Lewandowski បំបាក់ Real ៖
មតិយោបល់