នៅចុងខែកញ្ញានេះ តួលេខនៃការលក់រថយន្តថ្មីនៅក្នុងប្រទេសបារាំងបានកើនឡើង ៣,៤ភាគរយ បន្ទាប់ពីលក់រថយន្តបាន ១៤២.២១១គ្រឿង បើធៀបនឹងឆ្នាំមុន គឺដូចគ្នា។ នេះបើយោងតាមទិន្នន័យជាផ្លូវការបង្ហាញឲ្យដឹងនៅថ្ងៃអង្គារ។
ដោយឡែក សហព័ន្ធលក់រថយន្តរបស់បារាំង CCFA បានរាយការណ៍ថា ការលក់រថយន្តដែលបង្កើតឡើងនៅក្នុងប្រទេសបារាំង កើនឡើង ៤,១ភាគរយ ដោយមានរថយន្តថ្មីចំនួន ៧៧.៤៨៩គ្រឿង។
Renault ជាក្រុមហ៊ុនផលិតរថយន្តរបស់បារាំង ហើយក៏ជាអ្នកជំរុញឲ្យការលក់រថយន្តនៅក្នុងប្រទេសបារាំងកើនឡើងកាលពីខែកញ្ញា ដោយនៅក្នុងនោះ Renault លក់រថយន្តបានចំនួន ៣៧.៩៤០គ្រឿង សម្រាប់អតិថិជនក្នុងតំបន់ បើធៀបទៅនឹងពេលវេលាដូចគ្នាកាលពីឆ្នាំមុន កើនឡើង ១៨,១ភាគរយ៕
មតិយោបល់