យោងតាមប្រភពព័តមាន livescience បានឲ្យដឹងថាក្រុមអ្នកវិទ្យាសាស្ត្រជនជាតិកាណាដា ជីកប្រទះឃើញផូស៊ីលដាយណូស័រ ពូជមានរោម ជាលើកដំបូងនៅទ្វីបអាមេរិក ។ឯកសារវិទ្យាសាស្ត្រកាលពីថ្ងៃទី២៥ តុលា បញ្ជាក់ថា បើយោងតាមការត្រួតពិនិត្យឃើញថា វាមានអាយុដល់ទៅ៧៥លានឆ្នាំ ។ការរុករកឃើញជាលក្ខណៈប្រវត្តិសាស្ត្រនេះ នៅតំបន់ដាច់ស្រយាលមួយក្នុងរដ្ឋអាស់ប៊ែរ៍តា ប្រទេសកាណាដា ។ ផូស៊ីលដែលប្រទះឃើញជាប្រភេទសត្វបុរាណចំនួន៣ក្បាល មានលក្ខណៈស្រដៀងសត្វអូទ្រីស ឬស្ថិតក្នុងត្រកូលអ័រនីតូមីមីដ (Ornithomimids) ។
តាំងពីអតីកាលដល់ពេលបច្ចុប្បន្នដាយណូស័រប្រភេទមានរោមភាគច្រើនប្រទះឃើញនៅសាធារណរដ្ឋប្រជាមានិតចិន និងអាល្លឺម៉ង់ ។ លោកស្រី ដាឡា សេឡេនីតស្គី ជំនួយការសាស្ត្រាចារ្យនៃ មហាវិទ្យាល័យខាលហ្គេរី ថ្លែងថា របកគំហើញនេះជារឿងគួរឱ្យរំភើប ព្រោះជាលើកដំបូងដែលប្រទះឃើញដាយណូស័រប្រភេទនោះនៅតំបន់ខាងលិចនៃដែនដី ៕
https://i1272.photobucket.com/albums/y389/domneng/Air/DinosaurFur1_zps5443c230.jpeg
https://i1272.photobucket.com/albums/y389/domneng/Air/DinosaurFur2_zps5cbea0f2.jpg
https://i1272.photobucket.com/albums/y389/domneng/Air/DinosaurFur3_zps565c4042.jpg
មតិយោបល់