សូមស្វាគមន៍ប្រិយមិត្ដ ដែលកំពុងមានទំនាក់ទំនងស្នេហា ជាទីមេត្រី! ប្រសិនបើអ្នកចង់ស្វែងរកស្នេហាពិត ទទួលបានអារម្មណ៍រ៉ូមែនទិក និងរក្សាទំនាក់ទំនងស្នេហាប្រកបដោយផ្លែផ្កាគ្មានទីបំផុត កុំឱ្យមានភាពប្រេះឆា សូមសិក្សាស្វែងយល់ និងអនុវត្ដតាមគន្លឹះទាំង ៥ ចំណុច ដើម្បីបញ្ឈប់ភាពប្រេះឆាក្នុងទំនាក់ទំនងស្នេហា។
ការឈ្លោះប្រកែកគ្នាជាមួយនឹងគូស្នេហ៍ អាចជារឿងដ៏គ្រោតគ្រាត ជាពិសេសប្រសិនបើការតមាត់គ្នាបែបនេះកើតឡើងជាប្រចាំ ដោយសារតែស្លាកស្នាមផ្លូវចិត្ដ ឬបញ្ហាទាំងនោះចាក់ឬសគល់ជ្រៅនៅក្នុងចិត្ដ។ នៅពេលដែលការឈ្លោះប្រកែកគ្នាឥតឈប់ឈរបន្ដរយៈពេលយូរ វាអាចធ្វើឱ្យប្រេះឆាផ្លូវកាយ និងផ្លូវចិត្ដរបស់អ្នកទាំងពីរ។
នេះជាមូលហេតុសំខាន់សម្រាប់គូស្នេហ៍សិក្សាស្វែងយល់ពីគន្លឹះបញ្ឈប់វិវាទនៅក្នុងទំនាក់ទំនងស្នេហា។ វាធ្វើឱ្យទំនាក់ទំនងដ៏រ៉ូមែនទិក កាន់តែមានភាពសុខដុមរមនា ដែលចាក់បំពេញទៅដោយសេចក្ដីសុខក្នុងផ្លូវកាយ និងផ្លូវចិត្ដ។
ខាងក្រោមនេះ គឺជាគន្លឹះ ៥ ចំណុច ដើម្បីជួយបញ្ឈប់ការឈ្លោះប្រកែកគ្នា ៖
១. កុំប្រើពាក្យស្ដីបន្ទោស : សូមកុំប្រើពាក្យស្ដីបន្ទោស ទោះបីក្នុងហេតុផលណាមួយក៏ដោយ។ ការស្ដីបន្ទោសគ្នា ប្រៀបបានទៅការរុញអុសចូលភ្លើងអ៊ីចឹង រឹតតែធ្វើឱ្យភ្លើងកាន់តែឆេះខ្លាំងឡើងៗ។
ទោះបីជាការជជែកគ្នា ចាប់ផ្ដើមដោយរឿងរ៉ាវតិចតួចយ៉ាងណាក៏ដោយ នៅពេលមានការស្ដីបន្ទោសបន្ថែម ការជជែកយកឈ្នះយកចាញ់នោះ កាន់តែកើតរឿងធំឡើងៗ ដែលអាចធ្វើឱ្យប្រេះឆាដល់ទំនាក់ទំនងរបស់អ្នកទាំងស្រុង។
ការស្ដីបន្ទោស ធ្វើឱ្យមានរឿងកាន់តែអាក្រក់ទៅៗ និងធ្វើឱ្យការជជែកដេញដោលគ្នាបន្ដកើតឡើងយូរ។ ប្រសិនបើអ្នកចង់បញ្ឈប់ការជជែកឈ្នះចាញ់ សូមកុំស្ដីបន្ទោសគ្នា ហើយក៏គ្មានហេតុផលណាមួយ ដែលអ្នកគិតថា ខឹងគ្នាឡើយ។
២. ស្វែងរកបញ្ហាពិតដែលកើតឡើង : ប្រសិនបើអ្នក និងដៃគូទំនងជាមិនអាចបញ្ឈប់ការជជែកដេញដោលគ្នា្កនទេ ត្រូវស្វែងរកមធ្យោបាយ និងឱ្យយល់ពីបញ្ហាពិត ដែលបានកើតឡើង ដើម្បីបន្ធូរបន្ថយជម្លោះ ដែលអូសបន្លាយនោះ។
មានបញ្ហាខ្លះ ដែលមិនអាចដោះស្រាយ ដោយការតមាត់គ្នាទាំងនេះនោះទេ។ ប្រសិនបើបញ្ហាពិតនោះ អាចដោះស្រាយបាន អ្នកនឹងលែងមានបញ្ហាដដែលនេះ កើតឡើងទៀតឡើយ។
បញ្ហានេះ តែងតែទាក់ទងនឹងអារម្មណ៍ពីធម្មជាតិ ពីព្រោះថា ការជជែកគ្នាយកឈ្នះចាញ់ចាប់ផ្ដើមមាន ហើយស៊ីពេលវេលាយូរ ដោយសារតែជម្លោះដក់ជាប់ក្នុងចិត្ដជាប្រចាំជាមួយនឹងនរណាម្នាក់ ដែលយើងស្រឡាញ់នេះឯង។
មធ្យោបាយដ៏ល្អបំផុត ក្នុងការស្វែងរកឬសគល់នៃបញ្ហា គឺត្រូវលើកសំណួរដ៏ត្រឹមត្រូវ។ លើកជាសំណួរ ដែលនឹងជួយដល់ដៃគូ រាល់អ្នកធ្វើការប្រាស្រ័យទាក់ទងគ្នា ឱ្យដឹងថា តើគេមានអារម្មណ៍បែបណាដែរ។
ជាការសំខាន់ គឺថា អ្នកត្រូវចេះអត់ធ្មត់នៅពេលស្ថិតនៅក្នុងតំណាក់កាលនេះ ហើយខិតខំសិក្សាស្វែងរកឱ្យឃើញនូវអ្វី ដែលជាការយល់ឃើញពីដៃគូអ្នក។
ទោះបីជាការស្វែងរកបញ្ហាពិតអាចស៊ីពេលបន្ដិចក៏ដោយ ក៏វាមានតម្លៃរយៈពេលយូរផងដែរ។ នេះពិតជាប្រសើរ ច្រើនជាងការចេះបញ្ឈប់ការតមាត់គ្នាដ៏តានតឹង ដែលអាចធ្វើឱ្យទំនាក់ទំនងប្រេះឆា។
៣. កុំគិតថាខ្លួនឯងត្រូវរហូត : នៅពេលអ្នកគិតថា ខ្លួនឯងត្រូវរហូត អ្នកនឹងមិនដឹងពីរបៀបបញ្ឈប់ជម្លោះដែលកើតមានក្នុងទំនាក់ទំនងឡើយ។ ការគិតថា ខ្លួនឯងត្រូវរហូត មិនមែនជាអ្វីសំខាន់ឡើយ។ អ្វីដែលសំខាន់នោះ គឺត្រូវចេះស្វែងយល់ពីអ្វីជាបញ្ហាស្នូល ហើយរិះរកមធ្យោបាយដោះស្រាយ ដោយសន្ដិវិធី។
មោទនភាព គឺជាបច្ច័យអាក្រក់ ចំពោះអ្វីដែលហៅថា សេចក្ដីស្រឡាញ់ និងទំនាក់ទំនងដ៏សុខជា។ នៅពេលអ្នកមានមោទនភាព និងភាពថ្កើងឬកពេក អ្នកកម្រនឹងសារភាពប្រាប់ពីកំហុសឆ្គង ឬទទួលយកការផ្ដល់ជាមតិយោបល់របស់នរណាម្នាក់ ដែលចង់ជួយយកអាសារ ផ្សះផ្សាទំនាក់ទំនងនោះ ឱ្យជានាឡើងវិញ។
សូមកុំទុកឱ្យចំណង់ពេញចិត្ដខ្លាំង ចូលមករួបរឹតជាមួយនឹងការសម្រេចដ៏ត្រឹមត្រូវរបស់អ្នក និងសុភមង្គលជារួមជាមួយនឹងអ្នកនិងដៃគូ។
៤. និយាយសរសើរឱ្យបានច្រើន : ដោយការពុះពារជម្នះនូវតម្រូវការឱ្យបានល្អ និងដោយទទួលខុសត្រូវ សម្រាប់សុភមង្គលផ្ទាល់ខ្លួន អ្នកត្រូវលើកសរសើរដល់ដៃគូអ្នក។ នេះមធ្យោយដ៏ល្អក្នុងការកាត់បន្ថយកម្រិតជជែកឈ្នះចាញ់ ជាមួយនឹងដៃគូអ្នក ដែលទង្វើបែបនេះ នាំមកនូវភាពសុខដុមរមនានៅក្នុងទំនាក់ទំនងអ្នក។
មធ្យោបាយដ៏ល្អដែរ ក្នុងការដោះស្រាយនូវទម្លាប់អាក្រក់ គឺដោយសរសេរកត់ត្រាអ្វី ដែលអ្នកស្រឡាញ់ចូលចិត្ដ និងចេះពោលពាក្យសរសើរដល់ដៃគូខ្លួន។ អ្នកអាចធ្វើដូច្នេះជាប្រចាំ ដែលជាផ្នែកមួយនៃទម្លាប់ក្នុងការថែរក្សាទំនាក់ទំនងឱ្យបានល្ហ។
ខិតខំផ្ដោតការយកចិត្ដទុកដាក់ ទៅលើអ្វីដែលល្អ ជាជាងឈ្លោះគ្នាឥតប្រយោជន៍។ ជាងនេះទៅទៀត អ្នកត្រូវចេះឱ្យតម្លៃគ្នាទៅវិញទៅមក ចំពោះការរស់នៅរបស់អ្នកទាំងពីរជាមួយគ្នា។
ដោយមានទម្លាប់ចេះផ្ដោតការយកចិត្ដទុកដាក់លើអ្វីមួយទាក់ទងនឹងគូស្នេហ៍អ្នក បន្ថែមទៅលើសេចក្ដីពេញចិត្ដរបស់អ្នក អ្នកនឹងចាប់ផ្ដើមឃើញដៃគូអ្នកប្រៀបបានទៅនឹងពន្លឺថ្មីកំពុងរះ មិនមែនស្រអាប់ដូចមុននោះទេ។
បន្ទាប់ពីរយៈពេលពីរបីសប្តាហ៍នៃការអនុវត្ដន៍បែបនេះ អ្នកនឹងដឹងថាឥរិយាបថអ្នកចំពោះគូស្នេហ៍បានឈានទៅរកភាពល្អប្រសើរ។ នេះជាមធ្យោបាយដ៏ប្រត្យក្សមួយ ដែលអាចនាំមកភាពសុខដុមរមនានៅក្នុងទំនាក់ទនងរបស់អ្នកទាំងពីរ។
៥.ត្រូវចេះស្ដាប់គ្នា : ប្រសិនបើអ្នកចង់ស្វែងយល់ ពីវិធីសាស្ដ្របញ្ឈប់ការឈ្លោះប្រកែកគ្នា អ្នកត្រូវតែចងចាំថា គ្រប់មនុស្សទាំងអស់នៅលើភពផែនដីយើងនេះ តោងចេះស្ដាប់គ្នា។ ការចេះស្ដាប់គ្នា គឺជាទង្វើមួយដ៏ប្រសើរ ហើយប្រសិនបើអ្នកចេះប្រើការស្ដាប់គ្នានេះ អ្នកនឹងអាចកាត់បន្ថយបាននូវវិវាទ ដែលកើតមាននៅក្នុងទំនាក់ទំនងនោះ។
នៅពេលជម្លោះចាប់ផ្ដើមកើតឡើង ត្រូវចេះស្ដាប់ និងស្វែងយល់ពីអ្វីដែលដៃគូអ្នកនិយាយ។ ក្នុងន័យនេះ សូមកុំវិនិច្ឆ័យយកឈ្នចាញ់គ្នាឱ្យសោះ ឬនិយាយតទៅតមក តែត្រូវចេះស្ដាប់ឱ្យបានច្រើន តាមអ្វីដែលអាចស្ដាប់ទៅបាន ហើយស្វែងរកដំណោះស្រាយជារួម៕
ចុចទីនេះមើលប្រភពដើម ដែលសហការជាមួយនឹងដំណឹង
មតិយោបល់