មិនថាសុខភាពរាងកាយ ឬសុខភាពផ្លូវភេទនោះទេ សុទ្ធតែមានសារៈសំខាន់ទាំងអស់នៅក្នុងជីវិតរស់នៅ ដូច្នេះហើយអ្នកគួរតែស្វេងយល់ឲ្យបានច្បាស់ ពីទម្លាប់មួយចំនួនដែលអាចជួយធ្វើឲ្យសុខភាពរបស់លោកអ្នកមានភាពល្អប្រសើរ។ ទម្លាប់ខាងក្រោមថ្វីត្បិតតែមានភាពសាមញ្ញបន្តិចមែន ប៉ុន្តែមានប្រសិទ្ធភាពខ្ពស់ក្នុងការជួយបង្កើននូវសុខភាពផ្លូវភេទយ៉ាងពេញលេញ ដើម្បីឲ្យកាន់តែជ្រាបច្បាស់សូមមើលពីការណែនាំ ៥ ចំណុចដូចខាងក្រោម៖
១. ដេកសំដិលថ្ងៃ
គ្រាន់តែចំណាយពេល ២០ នាទីដើម្បីដេកសំដិលថ្ងៃជារៀងរាល់ព្រឹក នឹងជួយធ្វើឲ្យស្បែករបស់អ្នកបង្កើននូវការផលិតជាតិ មេឡានីនចំណុចមួយនេះក៍អាចជួយជំរុញ ដល់សុខភាពផ្លូវភេទឲ្យកាន់តែមានភាពប្រសើរដែរ។
២. ការបរិភាគទឹកដោះគោជូរ
សូមបរិភោគជារៀងរាល់ថ្ងៃ យ៉ាងហោចណាស់មួយកែវក្នុងមួយថ្ងៃ វាអាចជួយបង្កើននូវចំណង់របស់អ្នក ហើយក៏ជាប្រភពដ៏អស្ចារក្នុងការរំលាយអាហារ និងជួយបង្កើនទម្ងន់ឡើងវិញ។
៣.ទទួលទានទឹកឲ្យបានគ្រប់គ្រាន់
អ្នកត្រូវទទួលទានទឹកឲ្យបានគ្រប់គ្រាន់ ព្រោះរាងកាយមនុស្សគ្រប់រូបត្រូវការទឹកជារៀងរាល់ថ្ងៃ។ ទឹកជាប្រភពនៃ (ប្រេងរំអិល) សម្រាប់រាងកាយ ដូច្នេះអ្នកត្រូវទទួលទានឲ្យបានច្រើនតាមតែអាចធ្វើទៅបាន។
៤.ហាមជក់បារី
ជាតិនីកូទីននៅក្នុងបារីអាចជួយឲ្យមានភាពប្រសើរដល់ជីវិតផ្លូវភេទរបស់អ្នកក៏ពិតមែន ប៉ុន្តែបានតែក្នុងរយៈពេលខ្លីប៉ុណ្ណោះ យូរៗទៅវានឹងក្លាយទៅជាសត្រូវដ៏ធំមកបំផ្លាញសមត្ថភាពផ្លូវភេទរបស់អ្នកជាមិនខាន។
៥. ហាត់ប្រាណជារៀងរាល់ថ្ងៃ
ការហាត់ប្រាណជារៀងរាល់ថ្ងៃមិនត្រឹមតែធ្វើឲ្យសុខភាពរបស់អ្នករឹងមាំប៉ុណ្ណោះទេ ថែមទាំងអាចជួយផលិតនូវអ័រម៉ូន និងអាចជួយជំរុញដល់ជីវិតផ្លូវភេទថែមទៀត។
អ្នកដែលហាត់ប្រាណជាប្រចាំមានកំលាំងគ្រប់គ្រាន់ ងាយស្រួលធ្វើឲ្យជីវិតផ្លូវភេទដល់ចំណុចកំពូល មិនដូចអ្នកដែលមិនបានហាត់ប្រាណនោះឡើយ៕
មតិយោបល់