យោងតាមសារព័ត៌មាន Bloomberg បានឲ្យដឹងថា ទីផ្សារទូរស័ព្ទចល័តនៅក្នុងប្រទេសថៃបានកើនឡើងខ្ពស់។
ទូរស័ព្ទទំនើបបន្តជំរុញកំណើនខ្ពស់របស់ទីផ្សារទូរស័ព្ទចល័ត ដោយជំរុញឲ្យឧស្សាហកម្មទូរស័ព្ទចល័តនៅប្រទេសថៃសម្រេចបានកំណើនយ៉ាងហោចណាស់ ១០ ភាគរយ ដល់ចំនួន ១៦,៥ លានគ្រឿង។ នៅឆមាសទីមួយក្នុងឆ្នាំនេះ ទីផ្សារទូរស័ព្ទទំនើបនៅប្រទេសថៃបានកើនឡើង ៣៩ ភាគរយ ពោលគឺមានកម្រិតខ្ពស់ជាងការព្យាកររបស់ឧស្សាហកម្មនេះ។
ការលក់ទូរស័ព្ទទំនើបនៅប្រទេសថៃរំពឹងថានឹងកើនឡើង ៣៧ ភាគរយ ដល់ ៧,៨ លានគ្រឿងក្នុងទីផ្សារទូរស័ព្ទចល័តដែលមានទំហំ ប្រហែល ១,៧២ ពាន់លានបាត) ក្នុងឆ្នាំ ២០១៣ នេះ ដោយសារការធ្លាក់ចុះនៃតម្លៃទូរស័ព្ទទំនើប និងកំណើនតម្រូវការទូរស័ព្ទសម្រាប់ប្រើសេវា 3G នេះបើយោងតាមក្រុមហ៊ុនស្រាវជ្រាវ GfK Retail and Technology (Thailand)។
ក្រុមហ៊ុន Samsung Group របស់ប្រទេសកូរ៉េខាងត្បូង ដែលជាក្រុមហ៊ុនផលិតទូរស័ព្ទចល័តនាំមុខគេរបស់ពិភពលោករក្សាបានកំណើនខ្ពស់នៅក្នុងទីផ្សារទូរស័ព្ទចល័តក្នុងរយៈពេលប៉ុន្មានឆ្នាំ ចុងក្រោយនេះ។
លោក Wichai Pornpratang អនុប្រធានផ្នែកផលិតផលទូរគមនាគមន៍ប្រចាំក្រុមហ៊ុន Thai Samsung Electronics បានបង្ហាញទំនុកចិត្តថា ក្រុមហ៊ុន Samsung នឹងបន្តរីករាយនឹងកំណើនពីរខ្ទង់នៅឆ្នាំនេះ។
លោកបានលើកឡើងថា ភាពជោគជ័យនេះគឺដោយសារកម្មវិធីទូរស័ព្ទចល័តផ្ទាល់របស់ក្រុមហ៊ុន ការអភិវឌ្ឍតក្កកម្មបច្ចេកវិទ្យា និងយុទ្ធសាស្ត្ររចនាម៉ូដដើម្បីជំរុញការលក់ផលិតផល៕
មតិយោបល់