តាមការស្រាវជ្រាវថ្មីបានរកឃើញថា ម្ចាស់ iPhone ប្រមាណ ២ទៅ៤ភាគរយ មានបំណង់ចង់ប្រើនាឡិកាឆ្លាតវៃ iWatch របស់ក្រុមហ៊ុន Apple។
Piper Jaffray បានធ្វើការស្ទង់មតិទៅលើអតិថិជន Apple ចំនួន ៧៩៩នាក់នៅក្នុងសហរដ្ឋអាមេរិក ទាក់ទងនឹង iWatch ដោយនៅក្នុងនោះមាន ២ទៅ៤ភាគរយ ចង់ប្រើ iWatch។
យោងតាមទិន្នន័យដែលបានមកពីការស្ទង់មតិនេះ Piper Jaffray បានសន្និដ្ឋានថា ក្រុមហ៊ុន Apple អាចនឹងលក់ iWatch បានពី ៥ទៅ១០លានគ្រឿងនៅឆ្នាំដំបូង។
បើទោះបីជា iWatch បានក្លាយជាព័ត៌មានចចាមអារ៉ាមដែលមានអាយុកាលយូរជាងគេក្ដី ក៏អតិថិជន Apple នៅតែរំពឹងថា Apple ពិតជានឹងចេញនាឡិកាឆ្លាតវៃនេះនៅថ្ងៃណាមួយ ហើយបើតាមការព័ត៌មានថ្មីចុងក្រោយគឺ iWatch នឹងបង្ហាញខ្លួននៅឆ្នាំ ២០១៤។
ចំណែកក្រុមស្រាវជ្រាវ Munster បានឲ្យដឹងថា នៅក្នុងទិន្នន័យដែលស្ទង់មតិបានគឺមានអតិថិជន Apple ប្រមាណ ១២ភាគរយ មានការចាប់អារម្មណ៍ទៅលើ iWatch ដោយនៅក្នុងនោះ Munster ថែមទាំងបានបញ្ជាក់ថា iWatch នឹងមានតម្លៃ ៣៥០ដុល្លារអាមេរិក។
ប្រសិនបើ Apple លក់ iWatch បានជាមធ្យម ៧,៥លានគ្រឿងនោះ ក្រុមហ៊ុន Apple នឹងទទួលបានប្រាក់ចំណូលបន្ថែម ២,៦ពាន់លានដុល្លារអាមេរិក និងប្រាក់ចំណេញ៧៩០លានដុល្លារអាមេរិក នៅឆ្នាំ ២០១៤៕
មតិយោបល់