ក្រុមហ៊ុនផលិតរថយន្ត General Motors (GM) បានឲ្យដឹងថា កាលពីខែមុន ខ្លួនលក់រថយន្តបានចំនួន ២៧៧.៦៤៧គ្រឿងនៅក្នុងប្រទេសចិន ដែលកើនឡើង ១៣,៧ភាគរយ ហើយក៏ជាកំណត់ត្រាថ្មីសម្រាប់ខែកញ្ញាផងដែរ។
ក្រុមហ៊ុនបានបញ្ជាក់ថា ម៉ូដែល Buick, Chevrolet, Cadillac, Wuling និង Baojun មានតួលេខនៃការលក់ស្ទុះឡើងខ្លាំង បន្ទាប់ពីធ្លាក់ចុះកាលពីឆ្នាំមុន ដោយនៅក្នុងនោះ Wuling លក់រថយន្តបានចំនួន ១២៩.៦៤៨គ្រឿង Buick លក់បាន ៧១.០០២គ្រឿង Chevrolet លក់បាន ៥៧.២៨៥គ្រឿង Baojun លក់បាន ១០.០២៨គ្រឿង និង Cadillac លក់បាន ៤.៤៩៦គ្រឿង។
នៅក្នុងរយៈពេល ៩ខែដំបូង GM លក់បានចំនួន ២,៣១លានគ្រឿង នៅក្នុងប្រទេសចិន ដោយកើនឡើង១១,១ភាគរយ ធៀបនឹងឆ្នាំមុន៕
មតិយោបល់