សហរដ្ឋអាមេរិកនឹងក្លាយជាប្រទេសផលិតប្រេងធំជាងគេរបស់ពិភពលោក ដោយបានដណ្ដើមតំណែងប្រទេសរុស្ស៊ី។ នេះបើយោងតាមការបង្ហាញឲ្យរបស់ក្រុមឃ្លាំមើលថាមពលរបស់លោកខាងលិចនៅថ្ងៃសុក្រម្សិលមិញ។
ការប៉ាន់ប្រមាណនេះត្រូវបានធ្វើឡើងក្រោយពេលដែលរដ្ឋាភិបាលអាមេរិក បញ្ជាក់ថា ខ្លួនគឺជាប្រទេសដែលនាំចូលប្រទេងទៅកាន់ប្រទេសចិនច្រើនជាងគេ។
ទីភ្នាក់ងារថាមពលអន្តរជាតិ បានបង្ហាញថា សហរដ្ឋអាមេរិក បានកើនឡើងបន្តិចម្ដងៗលើឧស្សាហកម្មផលិតប្រេងរហូតដល់ពេលនេះ អាចនឹងឈានទៅកាន់តំណែងរបស់ប្រទេសរុស្ស៊ី។
សហរដ្ឋអាមេរិកបានចូលរួមសាកល្បងលើកម្រិតគុណភាពប្រេងជាមួយនឹងបណ្ដាប្រទេសផ្សេង ដោយទទួលបានលទ្ធផលល្អប្រសើរ ជាពិសេសសហរដ្ឋអាមេរិកបានបង្កើតទំនាក់ទំនងថ្មីជាសម្ព័ន្ធមិត្តយូរអង្វែងជាមួយនឹងក្រុមហ៊ុនផលិតប្រេងកំពូលរបស់អារ៉ាប់ OPEC។
ទីភ្នាក់ងារថាមពលអន្តរជាតិអាមេរិកបាននិយាយថា ជាមួយនឹងការផលិតបានជាង ១០លានប៉ារ៉ែលក្នុងមួយថ្ងៃកាលពីត្រីមាសទី២ និងជាតួលេខខ្ពស់បំផុតនៅក្នុងប៉ុន្មានទសវត្ស អាចប្រែក្លាយសហរដ្ឋអាមេរិកទៅជាប្រទេសផលិតប្រេងធំលំដាប់ទី២ ជំនួសតំណែងប្រទេសរុស្ស៊ី។
អង្គការអភិវឌ្ឍន៍ និងកិច្ចសហប្រតិបត្តិការសេដ្ឋកិច្ចបានប៉ាន់ប្រមាណថា នៅក្នុងឆ្នាំ ២០១៤ សហរដ្ឋអាមេរិកអាចផលិតប្រេងបាន ១១លានប៉ារ៉ែលក្នុងមួយថ្ងៃ ចំណែករុស្ស៊ីបានត្រឹម ១០,៨៦លានប៉ារ៉ែលក្នុងមួយថ្ងៃ៕
មតិយោបល់