បើយោងតាមគេហទំព័របរទេសមួយដែលចុះផ្សាកាលពីថ្ងៃទី ១៧ ខែ តុលាឆ្នាំ ២០១៣ បានឲ្យដឹងថា ថ្នាំគឺជាឱសថសម្រាប់ព្យាបាលជំងឺ ប៉ុន្តែវាក៏ជាឃាតករយ៉ាងសាហាវអាចឆក់យកជីវិតរបស់មនុស្សផងដែរ ប្រសិនបើលោកអ្នកមិនដឹងពីរបៀបប្រើប្រាស់ថ្នាំ ឬមិនបានពិនិត្យកាលបរិច្ឆេទឲ្យបានច្បាស់លាស់នោះ។ ដូច្នេះហើយអ្នកគួរតែយកចិត្តទុកដាក់លើកត្តាសំខាន់ៗបួនយ៉ាងដែលជាកំហុសដ៏ធំបំផុតក្នុងការប្រើប្រាស់ថ្នាំ៖
១. ការប្រើប្រាស់ថ្នាំដែលគ្មានការកំណត់ច្បាស់លាស់
ការប្រើប្រាស់ថ្នាំហួសកំណត់គឺមិនអាចព្យាបាលជំងឺរបស់យើងឲ្យជាសេះស្បាយនោះទេ ពីព្រោះសារធាតុសកម្មដែលមាននៅក្នុងថ្នាំត្រូវបានផ្លាស់ប្តូរ។
២. កាប្រើប្រាស់ថ្នាំដោយគ្មានវេជ្ជបញ្ជា និងការប៉ាន់ស្មាន
កត្តានេះពិតជាបង្កឲ្យមានគ្រោះថ្នាក់ប្រសិនបើមិនបានធ្វើការវិនិច្ឆ័យឲ្យបានត្រឹមត្រូវពីរបៀបប្រើប្រាស់ថ្នាំ។ ការធ្វើបែបនេះមិនត្រឹមតែពិបាកដល់ខ្លួនឯងប៉ុណ្ណោះទេ ថែមទាំងពិបាកដល់គ្រូពេទ្យក្នុងការធ្វើរោគវិច្ឆ័យរកប្រភេទជំងឺនៅពេលដែលលោកអ្នកទៅមន្ទីរពេទ្យពេលក្រោយ។
៣. មិនបានអានការណែនាំឲ្យបានច្បាស់មុនពេលប្រើថ្នាំ
មានថ្នាំជាច្រើនដែលបង្ករឲ្យមានផលប៉ះពាល់ដោយសារតែជាតិប្រតិកម្មនៃថ្នាំ ឬសារធាតុដែលធ្វើឲ្យឈឺដល់ក្រពះ។ ដូច្នេះប្រសិនបើអ្នកមិនបានអានដោយប្រុងប្រយត្ន័ និងពិគ្រោះជាមួយគ្រូពេទ្យទេ ជំងឺរបស់អ្នកនឹងលាប់សារឡើងវិញ ឬក៏ធ្លាក់នៅក្នុងស្ថានភាពធ្ងន់ធ្ងរទៅៗ។
៤. មិនប្រើប្រាស់ថ្នាំទៅតាមវេជ្ជបញ្ជារបស់គ្រូពេទ្យ
មនុស្សភាគច្រើនតែងតែមានកំហុសព្រោះពួកគេគិតថាការព្យាបាលដោយប្រើប្រាស់ថ្នាំចំពោះជំងឺដែលល្មមៗ មិនប្រសើរជាងការអត់ធ្មត់នោះទេ ប្រសិនបើអ្នកមិនបានញ៉ាំថ្នាំទៅតាមវេជ្ជបញ្ជាររបស់គ្រូពេទ្យនោះទេមេរោគទាំងនោះនឹងសាំនៅក្នុងខ្លួនរបស់អ្នក ហើយបង្កគ្រោះថ្នាក់ធំទៅថ្ងៃក្រោយ៕
មតិយោបល់