ប្រទេសចិនជាអ្នកវិនិយោគបរទេសធំជាងគេបំផុតនៅក្នុងប្រទេសឡាវ សម្រាប់រយៈពេល ១១ខែដំបូង ចន្លោះឆ្នាំ ២០១២-២០១៣ ដែលគិតជាទឹកប្រាក់មានចំនួន ១,៣៣ពាន់លានដុល្លារអាមេរិក។ នេះបើយោងតាមទីភ្នាក់ងារសារព័ត៌មានឡាវ បានឲ្យដឹងនៅថ្ងៃចន្ទម្សិលមិញ។
នៅក្នុងរយៈពេលដូចគ្នានេះផងដែរថា ថៃជាប្រទេសធំលំដាប់ទីពីរដែលបានវិនិយោគទុនមកលើប្រទេសឡាវ ជាមួយនឹងទឹកប្រាក់ចំនួន ៤១៦លានដុល្លារអាមេរិក។ នេះបើយោងតាមក្រសួងផែនការ និងវិនិយោគរបស់ឡាវបានថ្លែងឲ្យដឹង។
វិស័យដែលវិនិយោគទុនពីបរទេសច្រើនជាងគេគឺវិស័យថាមពលដោយគិតជាទឹកប្រាក់មានចំនួន ១,៥៦ពាន់លានដុល្លារអាមេរិក និងបន្ទាប់មកពីការរុករករ៉ែ ដោយមានទឹកប្រាក់ចំនួន ១,០៩ពាន់លានដុល្លារអាមេរិក។ នេះបើយោងតាមរបាយការណ៍ដែលក្រសួងបានបញ្ជាក់។
ការវិនិយោគខាងផ្នែកថាមពលធំជាងគេគឺការបង្កើតវារីអគ្គីសនីមួយនៅខេត្ត Borikhamxay ដែលមានចំនួនទឹកប្រាក់ ៨៦៨លានដុល្លារអាមេរិក។ គម្រោងនេះនឹងចាប់ផ្ដើមនៅក្នុងឆ្នាំ ២០១៤ ដោយតាមការំពឹងទុកថានឹងបញ្ចប់នៅឆ្នាំ ២០១៩ ដែលមានសមត្ថភាពអាចផ្ដល់ថាមពលទំហំ ២៩០មេហ្គាវ៉ាត់។
រដ្ឋាភិបាលនៃប្រទេសឡាវបានកំណត់គោលដៅ ៨ភាគរយនៃអត្រាកំណើនផលិតផលក្នុងស្រុកសរុប ដែលតម្រូវឲ្យមានការវិនិយោគយ៉ាងណាស់ក៏ ១,៧ពាន់លានដុល្លារអាមេរិកផងដែរ៕
មតិយោបល់