ការដេកលង់លក់ស្កប់ស្កល់ផ្ដល់សារប្រយោជន៍ដូចខាងក្រោម៖
១- ជួយបន្ថែមប្រព័ន្ធការពារមេរោគ
ក្រុមអ្នកវិទ្យាសាស្ត្របានបង្ហាញពីការរកឃើញរបស់ខ្លួនជា ការដេកលង់លក់គឺការប្រមូលផ្ដុំថាមពលដល់រាងកាយ និងជួសជុលកន្លែងសឹករេចរឹលក្នុងរាងកាយដែលត្រូវខូចខាតនៅពេលថ្ងៃ។ ក្រៅពីនេះ វានៅជួយបង្កើនដល់ប្រព័ន្ធរាងកាយឲ្យរឹងមាំប្រឆាំងមេរោគកុំឲ្យបៀតបៀនទៀតផង។
២- ជួយបង្អង់ភាពចាស់
ការដេកលង់លក់គ្រប់គ្រាន់ ជួយកាត់បន្ថយអ័រម៉ូនតានតឹងអារម្មណ៍ និងបន្ថែមបរិមាណអ័រម៉ូនដែលមានតួនាទីជួសជុលការសឹករិចរិលក្នុងរាងកាយ។
៣- ជួយការពាររោគធាត់
បើសិនទទួលទានដំណេកមិនគ្រប់គ្រាន់ នឹងបង្កឲ្យកម្រិតអ៊ីនសូលីនក្នុងឈាមកើនឡើង ពេលនោះទម្ងន់កើនឡើងដែរ។
៤- ជួយរក្សារូបរាង
នៅពេលដេកលង់លក់យ៉ាងស្កប់ស្កល់ អាចនឹងជួយបន្ថែមអ័រម៉ូនដែលជួយជំរុញដល់ប្រព័ន្ធរំលាយអាហារធ្វើការបានកាន់តែមានប្រសិទ្ធភាព។
៥- ជួយបន្ថែមភាពចងចាំ
ពេលដេកលក់ជាពេលវេលាដែលខួរក្បាលបានសម្រាក ហើយប្រមូលភាពភ្លឺថ្លា និងស្រស់ថ្លាឡើងវិញ។ ដូច្នេះភាពសៅហ្មង និង លំបាកៗទាំងប៉ុន្មានត្រូវជម្រុះចេញអស់ ហើយបន្ទាប់មកវាជួយបង្កើនភាពចងចាំឲ្យកាន់តែរឹងមាំ។
៦- ជួយបន្ថែមឲ្យកាន់តែមានសេចក្ដីសុខ
ការដេកលក់មិនគ្រប់គ្រាន់ ឬដេកបែបភ្ញាក់ហើយលក់ៗ មានភាពប្រថុយប្រថានចំពោះរោគតប់ប្រមល់ សោកសៅ និងចង់សម្លាប់ខ្លួន៕
មតិយោបល់