អាមេរិក៖ទីក្រុងញូវយ៉ក៖ប្រភពព័ត៌មានពីរ៉យទ័របានឲ្យដឹងថាគ្រួសារអ្នករស់នៅក្នុងទីក្រុងញូវយ៉កម្តាយនិងកូន 4 នាក់របស់ត្រូវបានបានបុរសម្នាក់ជាអ្នកកាប់សាច់ម្នាក់កាប់ចិញ្ច្រាំរហូតដល់ស្លាប់ទាំងអស់គ្នានៅក្នុងផ្ទះរបស់ខ្លួនដែលស្ថិតនៅក្បែរឧទ្យាន Brooklyn’s Sunset ។បងប្អូនជាដូនមួយរបស់ប្តីនៃស្ត្រីដែលស្លាប់ត្រូវបានចាប់ខ្លួនពីបទមនុស្សឃាតនៅថ្ងៃអាទិត្យក្រោយកើតហេតុភ្លាមៗ។
ប៉ូលីសបានទទួលព័ត៌មានតាមរយៈទូរស័ព្ទនៅយប់ថ្ងៃសៅរ៍ហើយពួកគេបានរកឃើញក្មេងប្រុសពីរនាក់ក្មេងស្រីពីរនាក់ដែលដេកប្រឡាក់សុទ្ធតែឈាមនិងរបួសពេញខ្លួននៅក្នុងផ្ទះ។បុរសដែលមានឈ្មោះ Ming Dong Chen អាយុ 25 ឆ្នាំត្រូវបានគេឃើញនៅក្នុងផ្ទះដែរនៅពេលប៉ូលិសទៅដល់ហើយគាត់ត្រូវបានចាប់ឃាត់ខ្លួននិងក៏ត្រូវទទួលជាប់ចោទពីបទមនុស្សឃាត 5 នាក់ជាប់ចោទពីបទប្រើប្រាស់អាវុធខុសច្បាប់និងបទចោទប្រកាន់ពីការប្រទុស្តវាយជាមួយប៉ូលីសផងដែរ។
ក្មេងបីនាក់បានស្លាប់ភ្លាមៗនៅនឹងកន្លែងនៅពេលដែលម្តាយនិងកូនម្នាក់ទៀតត្រូវបានស្លាប់នៅពេលដែលបញ្ជូនទៅដល់មន្ទីរពេទ្យមួយនៅក្បែរកន្លែងកើតហេតុ។ជនរងគ្រោះដែលបានស្លាប់ទាំងប្រាំនាក់រូមមានអ្នកស្រី Qiao Zhen Li អាយុ 37 ឆ្នាំ William Zhou 1 ឆ្នាំ Kevin Zhou 5 ឆ្នាំ Amy Zhou7 ឆ្នាំនិង Linda Zhou 9 ឆ្នាំ។
ប្តីរបស់អ្នកស្រី Li បានមកដល់ផ្ទះវិញក្រោយប៉ូលីសមកដល់ហើយមិនត្រូវបានជាប់ចោទក្នុងការពាក់ព័ន្ធនៃការស្លាប់នេះឡើយនៅពេលដែលប៉ូលិសបដិសេធមិនឆ្លើយតបទៅនឹងសំណួរពីមូលហេតុនៃការដែលនាំទៅដល់ការសម្លាប់បែបនេះឡើយ៕
មតិយោបល់