ទីក្រុងវ៉ាស៊ិនតោន៖វិទ្យាស្ថានស្រាវជ្រាវជាតិរបស់អាមេរិកបាននិយាយកាលពីពេលថ្មីៗនេះថាខ្លួនបានមើលឃើញថាមានការសាងសង់អគារថ្មីមួយដែលកំពុងតែប្រព្រឹត្តនៅក្បែរតំបន់ដែលកូរ៉េខាងជើងប្រើប្រាស់សម្រាប់ការបាញ់មីស៊ីល។
ការអះអាងនេះពឹងផ្អែកទៅលើការវិភាគតាមរយៈផ្កាយរណបដែលធ្វើឡើងនៅថ្ងៃទី 9 តុលានៅក្នុងតំបន់ Sohae ជាតំបន់ដែលកូរ៉េខាងជើងបានប្រើប្រាស់ការបាញ់សាកល្បងគ្រាប់រ៉ូកែតចម្ងាយឆ្ងាយមួយកាលពីខែធ្នូឆ្នាំទៅ បើទោះជាមានការរារាំងពីយូអិនក៏ដោយ។
ក្រុមអ្នកស៊ើបអង្កេតនៃសាលា Johns Hopkins School of Advanced International Studies បាននិយាយកាលពីថ្ងៃច័ន្ទថាពួកគេជឿជាក់ថាអគារដែលកំពុងសាងសង់នេះនឹងប្រើប្រាស់សម្រាប់ជាទីតាំងបាញ់មីស៊ីលផងដែរហើយវាអាចនឹងរួចរាល់នៅក្នុងពាក់កណ្តាលឆ្នាំ 2014 នេះហើយ។នេះជាសញ្ញាចុងក្រោយបង្អស់ដែលកូរ៉េខាងជើងបានបង្ហាញឲ្យឃើញពីការដំណើរការនៃការកម្មវិធីអភិវឌ្ឍអាវុធរបស់ខ្លួនបើទោះបីជាប្រទេសមួយនេះធ្លាប់បាននិយាយថាខ្លួននឹងបន្តងាកមករកតុចចារវិញក៏ដោយ៕
ព័ត៌មានជាតិ
មតិយោបល់