កម្មវិធីមួយដែលមានឈ្មោះថា Hightalk ដែលជាកម្មវិធីរបស់ក្រុមហ៊ុនចិន បង្កើតឡើង និងចែកចាយឲ្យប្រើប្រាស់នៅថ្ងៃទី ២២ ខែ តុលា ឆ្នាំ ២០១៣ កន្លងទៅនេះកំពុងតែទទួលបានប្រជាប្រិយភាព។
មុននេះកម្មវិធី Cartoon ដែលអ្នកលេងហ្វេសប៊ុកវក់វិ ដោយម្នាក់ៗបានធ្វើរូបភាពសំណព្វចិត្តរបស់ខ្លួនបង្ហោះលើហ្វេសប៊ុក ។ក្រោយពីការចេញកម្មវិធី Hightalk វាបានធ្វើឲ្យអ្នកលេងហ្វេសប៊ុកកាន់តែជ្រួលជ្រើម ងាកមកចង់ប្រើប្រាស់វា នឹងកំពុងតែចែកចាយពីមួយទៅមួយ ។
ទាក់ទិនរឿងនេះដែរ លោក គឹម រិនដា បុគ្គលិក ក្រុមហ៊ុន DKSH ដែលជាអ្នកមានទូរស័ព្ទទំនើបប្រើប្រាស់ពោលគឺលោក មាន iPhone 5 វាសមល្មមនឹងដាក់កម្មវិធីប្រើប្រាស់ដ៏តូចនេះបានព្រោះថាកម្មវិធីនេះវាក៏ដើរនៅលើ iPhone ផងដែរ បានឲ្យដឹងថា “តាមពិតលោកឃើញវាប្រើប្រាស់ទៅប្លែក ជាមួយនឹងកូនកម្មវិធីនេះ លោកក៏ដោនឡូតយកប្រើប្រាស់ដែរទៅ តែបើថាឲ្យវក់វីមិនអាចនោះ ។ម្យ៉ាងវិញទៀតវាគ្រាន់តែជាការកម្សាន្តអារម្មណ៍ប៉ុណ្ណោះ ក្រោយសម្រាកពីការងារ និង ជជែកកម្សាន្តតាមឆាត ជាមួយនឹងមិត្តភក្តិ”។ ដោយឡែកលោក ហឿង ចាន់ទឹង ដែលជាជាបុគ្គលិក ក្នុងហាងទូរស័ព្ទ Android ឯណោះវិញ ក៏បានឲ្យដឹងថា “លោកមានទូរស័ព្ទមួយគ្រឿង ប្រើប្រាស់ប្រពន្ធ Android នោះគឺ HTC ក៏បានប្រើប្រាស់កម្មវិធីនេះផងដែរ ។ បើនិយាយអំពីការវក់វាមិនអាចនោះទេ តែគ្រាន់តែដឹងថា លោក ចេះតែប្រើប្រាស់តាមគេទៅ ព្រោះថា នៅលើហ្វេសប៊ុកឥឡូវវានិយមខ្លាំងណាស់ ម្យ៉ាងចង់ដើរឲ្យទាន់សម័យកាលផងដែរ”។
សូមបញ្ជាក់ផងដែរថា កម្មវីធី Hightalk ត្រូវបានចេញផ្សាយឲ្យប្រើប្រាស់ កាលពីថ្ងៃទី ២២ ខែ តុលា ឆ្នាំ ២០១៣ កន្លងទៅ ក្នុងជំនាន់ 1.0.2 ដែលដំណើរការនៅលើ ប្រពន្ធទូរស័ព្ទ ប្រើប្រាស់ iOS និង Android ៕
មតិយោបល់