វាជារឿងពិត ហើយមិនគួរឲ្យជឿផងដែរ ដែលទូរស័ព្ទចល័ត Lumia 800 របស់ក្រុមហ៊ុន Nokia បាត់ក្នុងបឹងអស់រយៈពេលជាង ៣ខែ រកឃើញវិញហើយនៅប្រើប្រាស់បានដូចធម្មតា។
លោក Roger Nilsson បានឲ្យដឹងនៅលើទំព័រ Facebook ថា លោកបានទៅហែលទឹកលេងនៅក្នុងបឹងមួយកន្លែងក្នុងប្រទេសស៊ុយអ៊ែត ហើយបានបាត់ទូរស័ព្ទចល័ត Lumia 800 ដោយមិនដឹងថាវាបាត់ដោយវិធីណា។ ប៉ុន្តែ ៣ខែកន្លះក្រោយមក លោកបានរកឃើញវាវិញ ដោយវាចាប់នៅដង្គៀបថ្ម។
បុរសជនជាតិស៊ុយអ៊ែតម្នាក់នេះ បានបន្តទៀតថា គាត់បានសម្អាតទៅលើ ទូរស័ព្ទចល័ត Lumia 800 ហើយទុកចោលមួយរយៈទើបសាកល្បងដំណើរការ ទីបំផុតវានៅប្រើបានដូចធម្មតា ដែលធ្វើឲ្យគាត់សប្បាយចិត្ត និងភ្ញាក់ផ្អើលយ៉ាងខ្លាំង៕
ប្រភព៖ GSM Arena
មតិយោបល់