នៅខែតុលា អតិផរណាថៃបានកើនឡើង ដោយសារកំណើនតម្លៃអាហារ និងភេសជ្ជៈមិនមែនស្រា ក្រោយពីបានធ្លាក់ចុះនៅខែកញ្ញា។
របាយការណ៍របស់ ក្រសួងពាណិជ្ជកម្ម បានបញ្ជាក់ឲ្យដឹងថា តម្លៃទំនិញប្រើប្រាស់ ៤៥០មុខបានកើនឡើង១,៤៦ភាគរយធៀបនឹងរយៈពេលដូចគ្នាកាលពីខែមុន។ ធៀបនឹងខែកញ្ញា ១,៤២ភាគរយ ខែសីហា ១,៥៩ភាគរយ ខែកក្កដា ២ភាគរយ ខែមិថុនា ២,២៥ភាគរយ ខែឧសភា ២,៣ភាគរយ និងខែមេសា ២,៤ភាគរយ។
សារព័ត៌មានថៃបានចុះផ្សាយថា អតិផរណា ស្នូលដែលមិនរាប់បញ្ចូលអាហារស្រស់ និងតម្លៃប្រេង និងផ្នែកលើផលិតផល និងសេវាកម្ម៣១២មុខ បានកើនឡើង០,៧១ភាគរយ ធៀបនឹងខែតុលាឆ្នាំ២០១២។ ក្នុងរយៈពេល១០ខែដំបូងឆ្នាំនេះ អតិផរណាជាមធ្យមមានចំនួន ២,២៧ភាគរយ ដោយមានអតិផរណាស្នូល ១,០៣ភាគរយ។
ថ្មីៗនេះក្រសួងពាណិជ្ជកម្មបានកាត់បន្ថយការព្យាករអតិផរណារបស់ខ្លួនសម្រាប់ ២០១៣ មកនៅត្រឹមចន្លោះពី ២,៦ភាគរយ និង២,១ភាគរយ ពីចន្លោះ២,៨ ភាគរយ ទៅ ៣,៤ភាគរយ ខណៈតម្លៃប្រេងនៅឌូបៃ ប៉ះពាល់បន្តិចបន្តួចពី៩០ដល់១១០ដុល្លារអាមេរិកក្នុងមួយបារ៉ែល៕
មតិយោបល់