បើយោងតាមគេហទំព័របរទេសនានាដែលចុះផ្សាយនៅថ្ងៃទី ៦ ខែ វិច្ឆការបានឲ្យដឹងថា អង្គការ Terre des Hommes ដែលជាអង្គការការពារកុមារ បានផ្តល់ព័ត៌មានដល់ប៉ូលិសអំពីមនុស្ស ១,០០០ នាក់ដែលចង់បង់ប្រាក់សម្រាប់ការរួមភេទជាមួយកុមារីតាមរយៈប្រព័ន្ធអ៊ីនធឺណែតនៅក្នុងប្រទេសកំពុងអភិវឌ្ឍន៍។ អង្គការការពារកុមារបាននិយាយថា ពួកគេចង់ផ្តល់ដំណឹងអំពីការរួមភេទជាមួយកុមារតាមរយៈវិស័យទេសចរណ៍ បានរើករាលដាលយ៉ាងឆាប់រហ័ស ប៉ុន្តែមនុស្សជាច្រើនមិនបានដឹងពីគំរោងការនេះទេ។ ការទាក់ទងគ្នាត្រូវបានធ្វើឡើងជាមួយនឹងកុមារតាមរយៈការជជែកកំសាន្តជាមួយនឹងកាមេរ៉ា Webcam នៅក្នុងអាគារមួយនៃទីក្រុង Amsterdam ។
គ្រាន់តែរយៈពេល ១០ សប្តាហ៍មានមនុស្សចំនួន ២០,០០០ នាក់ដែលចង់នៅក្បែរនាង ហើយស្នើរឲ្យមានការជជែកកំសាន្តអំពីការរួមភេទ។ ខណៈដែលពួកគេចង់បង់ប្រាក់ដើម្បីរួមភេទជាមួយកុមារបែបនេះ អ្នកស្រាវជ្រាវបានប្រមូលពត៌មានរបស់ពួកគេតាមរយៈបណ្តោញសង្គមទុកជាភស្តុកតាង។ លោក Hans Guyt ជាប្រធាននៃយុទ្ធនាការនេះមានប្រសាសន៍ថា បញ្ហាដ៏ធំនោះគឺប៉ូលិសមិនបានធ្វើសកម្មភាពរហូតដល់ជនរងគ្រោះដែលជាកុមារបានដាក់របាយការណ៍នេះមក ប៉ុន្តែកុមារដែលមិនមានបទពិសាទធន៍ស្ទើរតែធ្វើវាទៅហើយ។ អង្គការ Terre des Hommes ក៏ដូចជាប៉ូលិសទូទាំងពិភពលោកបានធ្វើការត្រួតពិនិត្យមើលសកម្មភាពជជែកកំសាន្តតាមរយៈ Chart Room ជាតំបន់ប្រត្តិការនៃការរួមភេទកុមារទាំងនោះ។ បើយោងទៅតាមអង្គការសហប្រជាជាតិនិង FBI ឲ្យដឹងថាមនុស្សច្រើនជាង ៧៥០,០០០ នាក់ដែលចង់ទាក់ទងកុមារតាមអ៊ីនធឺណេតដើម្បីធ្វើការរួមភេទ។ ទោះជាយ៉ាងណា មានតែមនុស្សចំនួន ៦ នាក់តែប៉ុណ្ណោះដែលត្រូវផ្តន្ទាទោសពីបទទេសចរណ៍ផ្លូវភេទលើកុមារតាមរយៈបណ្តាញអ៊ីនធឺណេតនេះ៕
មតិយោបល់