ត្បូងពេជ្រទម្ងន់ ៥៩,៦០ការ៉ាតត្រូវបានដាក់ឲ្យដេញថ្លៃ កាលពីថ្ងៃទី១៣ខែវិច្ឆិកា ម្សិលមិញនេះនៅក្នុងប្រទេសស្វីស ដែលតាមការរំពឹងទុក វាអាចមានតម្លៃរហូតដល់ទៅ ៦០លានដុល្លារអាមេរិក។
ត្បូងពេជ្រមួយនេះ ត្រូវបានគេហៅឈ្មោះថា “Pink Star” ដោយវាមានពណ៌ផ្កាឈូកស្រស់ស្អាត និងទាក់ទាញ ត្រូវបានរកឃើញនៅក្នុងអណ្ដូងរ៉ែមួយកន្លែងកាលពីឆ្នាំ ១៩៩៩ វាគឺជាត្បូងពេជ្រពណ៌ផ្កាឈូកធំជាងគេបំផុតលើលោក។
គួរបញ្ជាក់ផងដែរថា កាលពីឆ្នាំ ២០១០ មានត្បូងពេជ្រមួយឈ្មោះថា Graff Pink ត្រូវបានដាក់ដេញថ្លៃ ដោយទទួលបានទឹកប្រាក់ ៤៦,១៦លានដុល្លារអាមេរិក ជាមួយនឹងទម្ងន់ ២៤,៧៨ការ៉ាត៕
មតិយោបល់