ទំហំពាណិជ្ជកម្មទ្វេភាគីរវាងប្រទេសកម្ពុជា និងប្រទេសចិនបានកើនឡើង ៣១ភាគរយ នៅក្នុងរយៈពេលប្រាំបួនខែដំបូងនៃឆ្នាំនេះ ដោយសូមអរគុណចំពោះចំណងមិត្តភាពដ៏ជិតស្និទរវាងរដ្ឋាភិបាលនៃប្រទេសទាំងពីរ។ នេះបើយោងតាមសម្ដីរបស់ លោកស្រីឯកអគ្គរដ្ឋទូតចិន Bu Jianguo បានថ្លែមកកាន់ប្រទេសកម្ពុជាកាលពីថ្ងៃព្រហស្បតិ៍កន្លងទៅ។
ចាប់ពីខែមករាដល់ខែកញ្ញាឆ្នាំនេះ ទំហំពាណិជ្ជកម្មនៃប្រទេសទាំងពីរមានចំនួន ២,៨៣ពាន់លានដុល្លារអាមេរិក ដែលបានកើនឡើង ៣១ភាគរយ បើធៀបទៅនឹងរយៈពេលដូចគ្នាកាលពីឆ្នាំមុន នេះបើយោងតាមសម្ដីលោកស្រីឯកអគ្គរដ្ឋទូតបានឲ្យដឹង។
“ជាមួយនឹងការកើនឡើងយ៉ាងឆាប់រហ័សនេះខ្ញុំជឿជាក់ថាប្រទេសទាំងពីរនឹងអាចសម្រេចបាននូវគោលដៅនៃ ៥ពាន់លានដុល្លារសហរដ្ឋអាមេរិ នៅក្នុងឆ្នាំ ២០១៧” អ្នកស្រីបាននិយាយថានៅក្នុងពិធីចុះហត្ថលេខាមួយជាមួយក្រសួងហិរញ្ញវត្ថុនៅកម្ពុជា។
ផលិតផលចម្បងរបស់ប្រទេសចិនបានលក់ទៅឲ្យប្រទេសកម្ពុជាគឺជាសម្លៀកបំពាក់ និងវាយនភ័ណ្ឌ វត្ថុធាតុដើម ម៉ាស៊ីន ម៉ូតូ រថយន្ត ម្ហូបអាហារ គ្រឿងអេឡិចត្រូនិ គ្រឿងសង្ហារឹម ផលិតផលថាំពេទ្យ និងគ្រឿងសំអាង ខណៈពេលដែលប្រទេសកម្ពុជាលក់អង្ករ កៅស៊ូស្ងួត ដំឡូងមី ត្រីនិងសម្លៀកបំពាក់ទៅកាន់ប្រទេសចិន។កាលពីឆ្នាំមុន ពាណិជ្ជកម្មទ្វេភាគីមានតម្លៃ ២,៩ពាន់លានដុល្លារអាមេរិក គឺកើនឡើង ១៦ភាគរយធៀបនឹងឆ្នាំ ២០១១៕
មតិយោបល់