ទីក្រុងវ៉ាស៊ិនតោន៖ប្រភពព័ត៌មានពីរ៉យទ័របានឲ្យដឹងថាកងទ័ពជើងទឹករបស់អាមេរិកសង្ឃឹមថានឹងដាក់ឲ្យប្រើប្រាស់នូវយន្តហោះប្រភេទយកការណ៍ធន់ធ្ងន់មួយដែលមានឈ្មោះ Boeing Co’s P-8A ។ជាប្រភេទយន្តហោះដែលអាចហោះហើរបានក្នុងរយៈចម្ងាយឆ្ងាយនិងជំនាញខាងឃ្លាំមើលការណ៍តាមដែនទឹកផងដែរ។
កងទ័ពជើងទឹករបស់អាមេរិកក៏មានគម្រោងផងដែរក្នុងការទិញបន្ថែមនូវយន្តហោះ 117 គ្រឿងទៀតនៃយន្តហោះប្រឆាំងនាវាមុជទឹកនិងយន្តហោះប្រភេទដទៃទៀតផងដែរដើម្បីដាក់ជំនួសយន្តហោះស៊ើបការណ៍ស៊េរី P-3 ដែលផលិតដោយក្រុមហ៊ុន Lockheed Martin Corp ។
យន្តហោះស៊ើបការណ៍ Boeing’s P-8A ដែលត្រូវបានចុះកុងត្រាក្នុងការផលិតនៅឆ្នាំ 2004 បានដាក់ការសាកល្បងទីមួយនាឆ្នាំ 2009 ហើយមកទល់នឹងពេលនេះមានការកម្ម៉ង់ទិញចំនួន 8 គ្រឿងហើយពីប្រទេសឥណ្ឌាគឺនៅមុនពេលដែលវានឹងត្រូវដាក់តាំងបង្ហាញក្នុងការតាំងពិពរណ៍យន្តហោះអន្តរជាតិនៅទីក្រុងឌូបៃនៅថ្ងៃអាទិត្យនេះទៀត៕
មតិយោបល់