ក្រសួងពាណិជ្ជកម្មចិនបានឲ្យដឹងនៅថ្ងៃអង្គារកន្លងទៅនេះថា វិនិយោគផ្ទាល់បរទេស នៅក្នុងរយៈពេល ១០ខែដំបូង បានកើនឡើង ៥,៧៧ភាគរយ សរុបជាទឹកប្រាក់មានចំនួន ៩៧ពាន់លានដុល្លារ ដោយគិតចាប់ពីខែមករា ដល់តុលា។
នៅក្នុងរបាយការណ៍ក៏បានបញ្ជាក់ឲ្យដឹងផងដែរថា នៅក្នុងខែតុលាតែមួយ វិនិយោគផ្ទាល់បរទេសបានកើនឡើង ១,២៤ភាគរយ ដល់ ៨,៤២ពាន់លានដុល្លារអាមេរិក ។
អ្នកនាំពាក្យក្រសួងពាណិជ្ជកម្ម បាននិយាយថា ក្នុងរយៈពេល ១០ខែដំបូង នៃឆ្នាំ២០១៣ ការវិនិយោគនៅប្រទេសចិនពីសំណាក់ប្រទេសអាស៊ីទាំង១០ និងប្រទេសក្នុងតំបន់សភាពអឺរ៉ុប រួមទាំងអាមេរិកបានរក្សានូវកំណើនឆាប់រហ័ស។
ទីក្រុងហុងកុង តៃវ៉ាន់ ជប៉ុន ថៃ និងសិង្ហបុរី ជាផ្នែកមួយរបស់ ប្រទេសទាំង ១០នៅអាស៊ី ដែលមានទំហំនៃការវិនិយោគមកលើប្រទេសចិនច្រើនជាងគេ។ ចំណែកវិនិយោគផ្ទាល់បរទេសពីតំបន់ទាំងនោះបានកើនឡើង ៧,១៨%ដល់៨៣,៦ពាន់លានដុល្លារអាមេរិកគិតត្រឹមខែតុលាឆ្នាំនេះ៕
មតិយោបល់