មុននេះដែរ ទំព័រ ដំណឹង ក៏បានចុះផ្សាយ ពីព័ត៌មានមួយដែលទាក់ទងនិង ពេជ្រ សោភា លើប្រធានបទ “ល្បីពេញតាខ្មៅថាពេជ្រ សោភា ជាប់គុក និងហង្សមាសដេញចេញ” ។ ទាក់ទិននឹងប្រធានបទនេះដែរ គឺដោយសារតែផ្សារភ្ជាប់ទៅនិងទិន្នាការនយោបាយ តែត្រូវបានអ្នកម្តាយរបស់ ពេជ្រ សោភា ច្រានព័ត៌មាននេះចោល ខណៈពេលនោះ ពេជ្រ សោភា នៅសហរដ្ឋអាមេរិកនៅឡើយ។
ក្រោយពីត្រលប់ពីសហរដ្ឋអាមេរិក កាលពីដើមខែនេះ ពេជ្រ សោភា មមារញឹករកដៃដកឃ្លាមិនរួចសោះ ចុះពីលើយន្តហោះភ្លាម សឹងតែដកដង្ហើមមិនទាន់ ក៏រវល់យកអំណោយទៅចែកជូន ជនរងគ្រោះដោយទឹកជំនន់។ ជាមួយនឹងទង្វើរបស់នាង បែបមនុស្សធម៌នេះ ស្រាប់តែពេលថ្មីៗនេះដែរ នៅលើបណ្តាញទំនាក់ទំនងសង្គមហ្វេសប៊ុក ស្រាប់តែ ល្បីតៗគ្នា ថា ពេជ្រ សោភា គេបណ្តាញចេញ ពីហង្សមាស ខណៈដែល ម្ចាស់គណនីមួយ ដំណឹង សូមមិនបញ្ចេញឈ្មោះ ដែលបានសរសេរ Wall Post នៅថ្ងៃនេះថា “មាត់និយាយថា មិនប្រកាន់និន្នាការនយោបាយ តែតារាចម្រៀង ពេជ្រ សោភា ត្រូវបានផលិតកម្មរស្មីហង្សមាស បណេ្តញចេញហើយ ! ពិតជាគួរឲ្យសោកស្តាយខ្លាំងណាស់។ ខ្ញុំសូមប្រកាសថា ខ្ញុំឈប់គាំទ្រផលិតកម្មរស្មីហង្សមាសទៀតហើយ ចាប់ពីពេលនេះទៅ !” ។
ជាមួយនឹងបញ្ហានេះដែរ គេហទំព័រ ដំណឹង បានខលទៅ ទាក់ទង កញ្ញា ពេជ្រ សោភា នៅប៉ុន្មាននាទីមុន នេះដែរ នាងបានច្រានចោលយ៉ាងខ្លីថា ជារឿងមិនពិត គ្រាន់តែជាពាក្យចចាមអារាម តែប៉ុណ្ណោះ នាងក៏បិទទូរស័ព្ទ។ តែទោះជាយ៉ាងណាជាមួយនឹង សម្តីតែមួយមាត់នេះ យើងនៅមិនទាន់កាត់សេក្តីថា រឿងខាងលើ ពិត ឬក៏យ៉ាងណានោះឡើយ ពោលអាចជារឿងពិត ក៏ថាបានដែរ៕
មតិយោបល់