តាមប្រភពព័ត៌មាន yourjewishnews បានឲ្យដឹងថា មានឧបទ្ទវហេតុដ៏សោកសៅមួយបានកើតមានឡើងចំពោះក្មេងស្រីវ័យ ១៦ ឆ្នាំ ដែលត្រូវបុរសទើបតែស្គាល់គ្នាថ្ងៃដំបូងធ្វើឲ្យនាងស្លាដោយចៃដន្យនៅក្នុងបន្ទប់ដេករបស់នាង។
ប៉ូលិសនិយាយថានារីវ័យក្មេងរូបនោះមានឈ្មោះ V’ondra Olivaria រស់នៅក្នុងតំបន់ Georgia បានអញ្ចីញបុរសឈ្មោះ Brandon Williams វ័យ ១៧ ឆ្នាំមកលេងផ្ទះជាមួយមិតភក្តិផ្សេងទៀត។
ម្តាយក្មេងស្រីវ័យជំទង់រូបនោះបានឃើញកូនស្រីរបស់គាត់នាំបុរសដែលមិនធ្លាប់ស្គាល់ពីមុនមកនោះចូលទៅក្នុងបន្ទប់របស់នាងឡើយ។ Williams ត្រូវបានទទួលរាក់ទាក់ពីក្រុមគ្រួសាររបស់ក្មេងស្រីព្រោះជាការស្គាល់គ្នាថ្ងៃដំបូង។ បន្ទាប់ពីមានហេតុការណ៍អាក្រក់កើតឡើង Williams បានសារភាពថាគាត់បានបាញ់សម្លាប់ក្មេងស្រីរូបនោះដោយចៃដន្យនៅក្នុងបន្ទប់របស់នាង ក្រោយពេលដែលមិត្តភក្តិដ៏ទៃទៀតណែនាំឲ្យស្គាល់គ្នាប្រហែលជា ៥ នាទី។
ករណីនេះគេរំពឹងថា Williams នឹងត្រូវចោទប្រកាន់ពីបទមនុស្សឃាត ព្រោះមានការធ្វេសប្រហែសធ្វើឲ្យគ្រោះថ្នាក់ដល់អនិតិជន។ ម្តាយរបស់ Olivaria និយាយថាគាត់មិននឹកស្មានថាក្មេងប្រុសម្នាក់នោះយកកាំភ្លើងចូលទៅទីនោះទេ ខណៈពេលដែលក្រុមគ្រួសារកំពុងតែមានអារម្មណ៍សោកសៅ៕
មតិយោបល់