ក្រុមហ៊ុន Apple បានបង្ហាញ iPad Air ដែលជំនាន់ថ្មីសន្លាងរបស់ iPad ព្រោះថាឈ្មោះ “Air” មិនធ្លាប់ត្រូវបានប្រើជាមួយ iPad និង iPhone នោះទេ។
ថ្មីៗនេះ លេចធ្លាយព័ត៌មានចចាមអារ៉ាមមួយថា អនាគត iPad Air នឹងមកជំនួសតំណែងរបស់ MacBook Air ព្រោះថានៅពេលនេះ ក្រុមហ៊ុន Apple និង Foxconn កំពុងតែពិភាក្សាគ្នាយ៉ាងសម្ងាត់បំផុតក្នុងការបង្កើត iPad Air ថ្មីអេក្រង់ទំហំ ១២,៩អ៊ីង។
ប្រភពដែលមិនបង្ហាញអត្តសញ្ញាណបានលួចបង្ហើបប្រាប់ថា ក្រុមហ៊ុន Apple ចង់ធ្វើឲ្យអ្នកប្រើប្រាស់មានអារម្មណ៌ភ្ញាក់ផ្អើល និងប្លែក នៅឆ្នាំ ២០១៤។
ក្រោយពីលេចធ្លាយនូវព័ត៌មាននេះ ក្រុមអ្នកវិភាគបានលើកឡើងថា iPad Air មិនអាចប្រៀបជាមួយនឹង MacBook Air បាននោះទេ បើទោះបីជាអេក្រង់មានទំហំប៉ុនគ្នាក្ដី ព្រោះថា សមត្ថភាព MacBook Air ខ្ពស់ជាង iPad Air ឆ្ងាយណាស់។
នៅពេលនេះ យើងមិនអាចសន្និដ្ឋានបាននោះទេ គឺមានតែរងចាំតាមដានតទៅទៀតចំពោះព័ត៌មាននេះ ហើយបើសិនជាទទួលបានព័ត៌មានថ្មី ដំណឹង នឹងចុះផ្សាយចែកជូនជាព័ត៌មាន ដូច្នេះសូមរងចាំទាំងអស់គ្នា៕
មតិយោបល់